Tofiq Yaqublu. Açiq mənbələrdən foto.
Bakı/25.07.20/Turan: İyulun 24-də Bakının Nizami Rayon Məhkəməsində Demokratik Qüvvələrin Milli Şurasının (DQMŞ) və Müsavat Partiyasının üzvü Tofiq Yaqublunun işi üzrə hazırlıq iclası keçirilib. O, ittihamı rədd edib və işi siyasi sifarişlə saxtalaşdırılmış adlandırıb. Müdafiə tərəfinin vəsatətləri təmin edilməyib. Mahiyyəti üzrə dinləmələr avqustun 5-nə təyin edilib.
İyulun 24-də T.Yaqublunun işi üzrə hazırlıq ilcası Nizami Rayon Məhkəməsinin hakimi Nəriman Mehdiyevin sədrliyi ilə keçirilib.
Baxmayaraq ki, məhkəmə iclası açıq olub, karantin rejimi bəhanəsilə jurnalistləri və nümayəndələri prosesə buraxmayıblar.
Siyasətçinin qızı Nigar Həzi jurnalistlərə deyib ki, hazırlıq iclasında vəkillər məhkəmə heyətinə etirazla çıxış ediblər. Buna hakimin qərəzli olması səbəb olub.
Məhkəmə icraçıları T.Yaqubludan üzərinə “şərəfsizliyin ifşası” sözlərini yazdığı iş materiallarını almaq istəyəndə hakim onları dəstəkləyib “bura mitinq deyil” deyib.
Bundan sonra vəkillər Elçin Sadıqov və Aqil Layıcov məhkəmənin tərkibinə etiraz ediblər.
Müdafiəçilər hesab ediblər ki, hakim “bura mitinq deyil” deyərək işə qərəzli yanaşdığını və T. Yaqublunun siyasi baxışlarına hörmətsizlik nümayiş etdirib.
Qanuna görə, etiraza yuxarı instansiya – Bakı Apellyasiya Məhkəməsi baxmalıdır. Lakin hakim etirazın baxılmamış saxlanılması barədə qərar qəbul edib.
N.Həzinin sözlərinə görə, vəkillər T.Yaqublunun günahına səhih sübutların olmaması səbəbindən cinayət işinə xitam verilməsi barədə vəsatət qaldırıblar.
Bu vəsatət təmin edilmədikdə vəkillər qətimkan tədbirinin dəyişdirilməsini və hökm çıxarılana qədər T.Yaqublunun azad olunmasını xahiş ediblər. Daha bir vəsatət T.Yaqublunun avtomobilinin onun ailəsinə qaytarılması barədə olub.
Lakin hakim vəsatətlərin heç birini təmin etməyib və mahiyyəti üzrə dinləmələri avqustun 5-nə təyin edib.
Proses zamanı T.Yaqublu ittihamın siyasi motivlərlə saxtalaşdırıldığını bildirib.
O hesab edir ki, hakimiyyət siyasi fəaliyyətinə və rejimi tənqid etdiyinə görə ondan qisas alır.
* Martın 22-də vətəndaş Elxan Cəbrayılovun idarə etdiyi avtomobil Tofiq Yaqublunun park edilmiş və özünün də içərisində olduğu avtomobilini vurub. Bundan sonra E.Cəbrayılov T.Yaqublu ilə münaqişə edərək onu qəzada ittiham edib.
Nizami rayon polisi CM-in 221.3-cü maddəsi (silah kimi əşyalardan istifadə etməklə xuliqanlıq) ilə cinayət işi qaldırıb.
T.Yaqublu və onun həmkarları baş verənləri təxribat adlandırıblar. Məqsəd sosial şəbəkələrdə hökuməti tənqid etdiyinə görə müxalifətçini mühakimə etməkdir. Beynəlxalq hüquq-müdafiə təşkilatları T.Yaqublunun həbsini pisləyiblər.
T.Yaqublu bundan öncə 2013-cü ildə İsmayıllıda iğtişaşlara təhrikdə ittiham olunaraq üç il müddətinə həbs edilmişdi.
O həmçinin 2019-cu il oktyabrın 19-da Milli Şuranın razılaşdırılmamış etiraz aksiyasında iştirakına görə həbs edilib və polisdə işgəncələrə məruz qalıb. -06B
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz