![Açiq mənbələrdən foto.](https://turan.az/resized/media/2020/main/072500029083-750-500-resize.webp)
Açiq mənbələrdən foto.
Bakı Brüsseldən ermənilərin Azərbaycan səfirliyinə qarşı təxribatının araşdırılmasını tələb edib
Bakı/25.07.20 / Turan: Aİ-nin Azərbaycandakı nümayəndəsi Kəstutis Yankauskas və Belçikanın Bakıdakı səfiri Bert Şufs iyulun 24-də Azərbaycan XİN-ə dəvət olunublar və xarici işlər nazirinin müavini Xələf Xələfovla görüşüblər.
X.Xələfov qeyd edib ki, son zamanlar Avropanın bir çox ölkələrində və iri şəhərlərində erməni millətindən olan radikal şəxslər vandalizm aktları törədib, o cümlədən Azərbaycanın diplomatik missiyalarına daxil olmağa cəhd edib, Avropa ölkələrində yaşayan azərbaycanlılara qarşı hücumlar təşkil ediblər.
İyulun 22-də Belçika Erməniləri Komitəsinin çağırışına uyğun olaraq, Brüsseldə Azərbaycan səfirliyinin qarşısında ciddi təxribat və vandalizm aktları ilə müşayiət olunan kütləvi nümayiş keçirilib. Öncədən Belçikanın bütün aidiyyəti hökumət orqanlarına dəfələrlə xəbərdarlıqların edilməsinə baxmayaraq, bu təxribatların qarşısı lazımi səviyyədə alınmayıb.
“Bu təxribat zamanı 6 azərbaycanlı ciddi xəsarət alıb”, - X.Xələfov qeyd edib.
O qeyd edib ki, Belçikanın müvafiq orqanları tərəfindən məsələ ciddi şəkildə araşdırılmalı, məsələyə hüquqi qiymət verilməli, cinayət və vandalizm aktı törətmiş şəxslər məsuliyyətə cəlb edilməlidirlər, Azərbaycan XİN-in məlumatında bildirilir.
Belçika səfiri bildirib ki, Azərbaycanın Brüsseldəki səfirliyinin qarşısında keçirilən aksiya icazəsiz olub və səfirliyin ərazisinə çox sayda polis yerləşdirilib. Bununla belə, aksiyanın qarşısını almaq mümkün olmayıb və günahsız insanlar xəsarət alıb.
B.Şufs əlavə edib ki, Belçika hakimiyyəti baş vermiş insidenti ciddi bir hal kimi qəbul edir, məsələ araşdırılacaq və rəsmi Bakı məlumatlandırılacaq.-06В-
-
- Cəmiyyət
- 25 İyul 2020 11:38
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz