![Foto: Bəxtiyar Aslanbəyli](https://turan.az/resized/media/2020/main/072500029080-750-500-resize.webp)
Foto: Bəxtiyar Aslanbəyli
BP Azərbaycanda SWAP üzrə qazma işlərinə 2020-ci ildə başlanacağını mümkün hesab edir
Bakı/25.07.20/Turan: Abşeron arxipelaqının dayazsulu hissəsində (Shallow Water Absheron Peninsula, SWAP) ilk kəşfiyyat quyusunun qazılmasına 2020-ci ilin noyabrında başlanıla bilər. Bu barədə BP-nin vitse-prezidenti Bəxtiyar Aslanbəyli “Cənub” qaz dəhlizi haqqında kitabın İnternet-təqdimatı zamanı bildirib.
Öncə BP düşünürdü ki, qazma işlərinin başlanması 2021-ci ilə keçirilə bilər.
“Biz ümid edirik və Abşeron arxipelaqının seçilmiş dayazsulu hissəsində ilk kəşfiyyat quyusunun qazılmasına 2020-ci ilin noyabrında, bu məqsədlər üçün seçilmiş qazma qurğusunun – özüqalxan üzən qazma qurğusu “Satti” optimallaşdırılması üzrə işlər başa çatdıqdan sonra başlanacağına ümid edirik və gözləyirik”, - o qeyd edib.
Xatırladaq ki, BP və SOCAR bir sıra qazma işləri üçün Qazaxıstanda inşa edilmiş və 2019-cu ildə icarəyə götürülmüş “Satti” özüqalxan üzən qazma qurğusunu (ÖÜQQ) cəlb etmək qərarına gəliblər.
Tərəflərin razılaşmasına görə, bu qurğu Xəzərin Azərbaycan sektorunda layihələrin ehtiyacları üçün Bakıda modernləşdirilir və bu uzun sürən işlər COVİD-19 pandemiyası fonunda BP-nin 2020-ci ilin birinci yarısında SWAP-da qazma işlərinə başlamasına imkan verməyib.
Qeyd edək ki, qazma işlərinin nəticələrinə görə BP SWAP -da neft ehtiyatları aşkar edəcəyinə ümid edir.
2016 - cı ildə Abşeron arxipelaqının dayazsulu hissəsində seysmik tədqiqatlar aparılıb və bu tədqiqatlar 1,52 min kv.km ərazini əhatə edib, bunun 90 kv. km.-i qurudadır. Abşeron arxipelaqının dayazsulu hissəsində seysmik tədqiqatların nəticələrinə əsasən qazma işlərinin aparılması üçün üç sahə seçilib.
SOCAR və BP arasında Abşeron arxipelaqının dayazsulu hissəsində geoloji-kəşfiyyat işlərinə dair pay bölgüsü haqqında saziş (PSA) 22 dekabr 2014-cü il tarixində paritet əsaslarla imzalanıb.
Müqavilədə qeyd olunub ki, podratçı kommersiya baxımından qiymətli karbohidrogen ehtiyatlarını aşkar edərsə və SOCAR-a məlumat verərsə, altı ay ərzində açıq yatağın işlənməsi proqramını hazırlamalı və sonra onun gerçəkləşdirilməsinə başlamalıdır (işlənilmə 23 il davam edə bilər), üstəlik üç il ərzində sənaye hasilatına çıxmalıdır.
Qeyd edək ki, kifayət qədər neft ehtiyatlı aşkar olunarsa, SWAP “Qarabağ" yatağından sonra (bu ilin yazında “Eqiunor” tərəfindən kəşf edilib) 2020-21-ci illərdə Azərbaycanda karbohidrogenlərlə bağlı daha bir önəmli kəşfi olacaq.
Azərbaycan prezidenti İlham Əliyev hesab edir ki, neft-qaz sahəsi ölkə iqtisadiyyatının mühüm gəlir gətirən əsas sahəsi olaraq qalacaq.—0
-
- Cəmiyyət
- 25 İyul 2020 10:23
Enerji
-
İki gün davam edən güclü qardan sonra Lənkəran, Astara, Masallı, Lerik və Yardımlı rayonlarında elektrik enerjisinin verilməsində ciddi fasilələr yaranıb, nəticədə bu bölgələrin 80%-dən çoxu elektriksiz qalıb.
-
Beynəlxalq Enerji Agentliyi (IEA) Cümə axşamı günü 2023-cü ilin dörddə bir əsrdə dünyanın ən sürətli bərpa olunan enerji sektorunun genişləndiyini elan etdi.
-
2023-cü ilin yanvar-noyabr aylarında Azərbaycandan elan edilmiş neftin ixracı 24 milyon 199 min 455,59 ton (nomenklatura Kodu 2709) təşkil edib ki, bu da 2022-ci ilin 11 ayı ilə müqayisədə 0,5% aşağıdır. İxrac olunan neftin ümumi dəyəri 15 milyard 99 milyon 942,85 min dollar (17,6% azalma) təşkil edib. 2023-cü ilin yanvar-noyabr aylarında ümumi ixrac strukturunda neftin payı 47,92% (2022-ci ilin yanvar-noyabr aylarında 50,42%) təşkil edib.
-
2023-cü ilin yanvar-oktyabr aylarında Avropa İttifaqı (Aİ) ölkələri Azərbaycandan 305,7 min ton neft məhsulları idxal edib ki, bu da ötən ilin eyni dövrü ilə müqayisədə 19,4 dəfə çoxdur. Pul baxımından neft məhsullarının idxalı 185,3 milyon avro (artım 14,1 dəfə) qiymətləndirilir.
Rəy yaz