Tofiq Yaqublunun müvəqqəti azadlığa çıxması gözlənilir (YENİLƏNİB)
Müsavat Partiyası sədrinin həbsdə olan müavini Tofiq Yaqublunun qızı Nərgiz Yaqublunun vəfatı ilə bağlı yas məclisində iştirak etmək üçün azadlığa buraxılması gözlənilir. Bu haqda Turan-a İnsan Haqları Təşkilatları Monitorinq Qrupunun üzvü Novella Cəfəroğlu bildirib.
Onun szölərinə görə, hüquq müdafiəçiləri uyğun hakimiyyət instansiyalarına bu haqda məlumat veriblər. “Biz əlimizdən gələni edirik ki, Tofiq bəy aprelin 24-də həbsxanadan çıxsın, bildiyim qədər bununla bağlı Ədliyyə Nazirliyində sənədləşmə işi aparlır”, - deyə N.Cəfəroğlu bildirib.
Xatırladaq ki, T.Yaqublunun qızı Nərgiz Yaqublu aprelin 23-ü səhər saatlarında Rusiyanın Tomsk şəhərində müalicə aldığı xəstəxanada vəfat edib. Dəfn üçün mərhumun cənazəsinin aprelin 24-də Bakıya gətiriləcəyi gözlənilir. -05B-
2015 Aprel 23 (Cümə axşamı) 14:53:13
Siyasi məhbus Tofiq Yaqublunun qızı Nərgiz Yaqublu vaxtsız dünyasını dəyişib. Ölüm Rusiyanın Tomsk şəhərindəki bir xəstəxanada onu yaxalayıb, xəbəri musavat.com saytı yayıb.
Ana olmağa hazırlaşan Nərgiz əvvəldən olan xəstəliyinin öhdəsindən ələ bilmədi.
Nərgiz Azərbaycan demokratik gəncliyinin görkəmli nümayəndələrindən, bir çox etiraz aksiyalarının fəal iştirakçılarından olub, jurnalistika ilə məşğul olub. Ötən il o, ailə həyatı qurub və yoldaşı ilə birlikdə Rusiyaya köçüb.
Tofiq Yaqublu 2013-cü ilin yanvar ayında qondarma İsmayıllı şəhərində iğtişaşların təşkili ittihamı ilə 5 illik həbs cəzası çəkir.
Turan agentliyin mərhumun doğmalarına və yaxınlarına dərin başsağlığı verir.
Allah rəhmət eləsin. -0-
-
- İqtisadiyyat
- 23 Aprel 2015 17:54
-
- Siyasət
- 23 Aprel 2015 19:37
Cəmiyyət
-
Mayın 6-da Bakıda və Abşeronda buludlu hava şəraitinin üstünlük təşkil edəcəyi gözlənilir. Axşam və gecə saatlarında yağış yağacağı, şimşək çaxacağı. Şimal-qərb küləyi əsəcək.
-
Mədəni müxtəlifliyi və dini tolerantlığı ilə tanınan Azərbaycanda pravoslav xristianlar ən əlamətdar və sevincli bayramlarından birini - Pasxa bayramını qeyd ediblər. Mayın 4-dən 5-nə keçən gecə Bakıda və digər bölgələrdəki pravoslav kilsələrində bayram adət-ənənələri və ayinləri ilə zəngin bayram tədbirləri keçirilib.
-
Mayın 4-də Sumqayıt şəhərində polis əməkdaşları məhkəmənin qərarını icra edərək Azərbaycan siyasətçisi və alimi Qubad İbadoğlunun evində ona hərəkətlərinə məsafədən aramsız nəzarət etməyə imkan verən elektron qolbaq tətbiq ediblər. Bu elektron nəzarət vasitəsinin tətbiq olunması İbadoğlunun yerdəyişmələrini müəyyən ərazi ilə məhdudlaşdırmaqla onun hüquqi problemlərinin davam etdiyini göstərir.
-
İyun ayında çimərlik mövsümü açılacaq, Gigiyena və Epidemiologiya Mərkəzi bəzi çimərliklərdə dəniz suyunun çirkləndiyini, digərlərində təmiz olduğunu elan edəcək. Hər il Abşeron çimərliklərində dəniz suyunun bakterioloji göstəriciləri əvvəlki kimi qalır: yarımadanın şimal sahili nisbətən təmizdir, Bakı, Sumqayıt, Yalama və Xaçmaz yaxınlığındakı çimərliklər isə dənizə girənlərə ağır xəstəliklər bəxş edə bilər.
Rəy yaz