Azərbaycana elektron ticarəti artırmaq təklif edilir

Avropa Komissiyası Azərbaycana elektron ticarəti stimullaşdırmaq və artırmaq üzrə tədbirlər paketi təklif edir.

Paketə   «Elektron ticarət haqqında» və «Elektron ticarət və elektron sənədlər haqqında» qanunlar, sahə üzrə vergi sisteminin təkmilləşdirilməsi, ET şirkətlərinin auditi, təhlükəsizliyin gücləndirilməsi, istehlakçıların hüquqlarının müdafiəsi daxildir.

Vergilər Nazirliyinin məlumatına görə, TAIEX tezniki dəstək və informasiya mübadiləsi layihəsi çərçivəsində təqdim edilib.

VN hələ iki səbəbdən elektron ticarəti prioritet saymır – ET-in zəif olması, nağdsız ticarət dövriyyəsinin artırılmasının prioritet seçilməsi.  

Dövlətstatkoma görə, ET dövriyyəsi 2014-cü ildə $8 mln olub. Bu, 2013-cü ildəkindən 2,4 dəfə çox olsa da, 2014-cü ildə $4,5 mlrd olan pərakəndə ticarətlə müqayisədə çox azdır. ET-in 94,6%-i qeyri-ərzaq malları üzrə olub.

POS-terminallar vasitəsilə ET-də artım var – 2015-ci ilin əvvəli üçün onların sayı  82 minə çatıb, ilin ortasında 95 min təşkil edəcək. İnternet-mağazalar sahəsində işlər isə pisdir. Azərbaycan ET üzrə MDB-də ən pis yerlərdən birini tutur – Belarus, Qazaxıstan Ukrayna və RF-lə müqayisədə bu, aydın görünür. Milli şəbəkə zəif inkişaf edib. İnternet alışın həcmi barədə dəqiq məlumat yoxdur. O, 2 mln-dan çox deyil.

Azərbaycanda ixtisaslaşdırılmış internet mağazalar 2000-ci illərin əvvəllərində yaradılmağa başlayıb (bestshop.az, topshops.az, giftshop.az, parfumshop.az, place.az, yarmarka.az, paxlava.com, bakushop.net). Bunlar adətən, məişət, elektron texnika, zərgərlik məmulatı, mebel, ərzaq, kosmetika və s satır. İnternet mağazaların analizi ET-in inkişafına mane olan amilləri aşkarllayır. Qiymətlər, yeni mallar və s barədə informasiyalar yenilənmir. Çatdırılma inftrastrukturu inkişaf etməyib, qiymətlər bahadır. Malın qaytarılması da bir problemdir. İnternet mağazaların çoxu qaytarılan malı götürmür. Mallar kreditə verilmir və s.

Dünyada ET dövriyyəsi 2014-cü ildə $1,5 trln olub, 2017-ci ildə $2,3 trln olacaq, deyə eMarketer’s  agentliyi bildirir.—0—