“Qafqaz” Universitetində 50 türk müəllim işdən çıxarılıb. Bu qərar universitet SOCAR yanında Ali Neft Akademiyasının tabeliyinə verildikdən sonra qəbul edilib.
İşdən çıxarılmalara səbəb Türkiyə hakimiyyətinin Azərbaycanda Fətullah Gülən “tərəfdarları”na qarşı mübarizə aparılmasını tələb etməsidir. Belə ki, Ankara Güləni dövlət çevrilişinə cəhddə və terror təşkilatı yaratmaqda ittiham edir.
Habertürk saytı bildirib ki, Ali Neft Akademiyasının rektoru Elmar Qasımovun əmri ilə 50 türk müəllim müqavilə müddətinin başa çatması bəhanəsilə işdən çıxarılıb. E.Qasımovun sözlərinə görə, ilin sonunadək onlar ölkəni tərk edəcəklər.
1993-cü ildə təsis edilmiş “Qafqaz” Universiteti Azərbaycanın ən qabaqcıl ali məktəblərindən biri olub. Burada Türkiyə təhsil sistemi tətbiq edilib. Lakin çox güman ki, əvvəlki təhsil sistemi dağıdılacaq və universet Azərbaycanın adi təhsil ocaqlarından birinə çevriləcək.-16D-
Cəmiyyət
-
"ToplumTV işi" adlandırılan cinayət işi üzrə təqsirləndirilən şəxslərin ittihamının ağırlaşdırıldığı, istintaqın artıq yekunlaşmaq üzrə olduğu bildirilir. Həmin cinayət işinə "Toplum" İnternet Televiziyasının, Demokratik Təşəbbüslər İnstitutunun, habelə III Respublika Platforması təşəbbüsünün bəzi əməkdaş və təmsilçilərinin həbsi daxildir. Müdafiə tərəfinin məlumatina görə, onlara Cinayət Məcəlləsinin 162-1.1 (Əmək müqaviləsi olmadan işçilərin cəlb edilməsi), 192.3.2 ( küllü miqdarda gəlir əldə etməklə qanunsuz sahibkarlıq), 193-1.3.1 (Cinayət yolu ilə əldə edilmiş əmlakı leqallaşdırma), 193-1.3.2 (...xeyli miqdarda), 206.4 (mütəşəkkil dəstənin qaçaqmalçılığı) və 213.2.1 (Vergiləri,... ödəməkdən yayınma ) maddələri ilə yeni ittihamlar irəli sürülüb. Əvvəl "ToplumTV işi" üzrə həbs olunanlar 206.3.2-ci (qaçaqmalçılıq – qabaqcadan əlbir olan bir qrup şəxs tərəfindən törədildikdə) maddələri ilə təqsirləndirilirdi. Əvvəlki ittihamlarla şəxslərə 8 ilədək həbs verilə bilərdisə, indi cəza müddəti 12 ilə çata bilər.
-
Çərşənbə axşamı hava dəyişkən olacaq, yağıntı olmayacaq. Şimal-qərb küləyi əsəcək. Havanın temperaturu gecə müsbət 3+6, gündüz müsbət 6+9 dərəcə olacaq. Rütubət 70-80 faiz olacaq.
-
İmişli rayonunda ictimai yerdə törətdikləri xuliqanlıq hərəkətlərinə görə bir qrup şəxs həbs edilib.
-
İmişli rayonunda yol-nəqliyyat hadisəsi nəticəsində iki uşaq ölüb, üçü yaralandığı bildirilir. Daxli İşlər Nazirliyinin mətbuat xidmətindən Turana bildirilib ki, xidmətə gedən Dövlət Yol Polisi avtomobilinin qarşısına digər bir nəqliyyat vasitəsinin çıxması nəticəsində xidməti avtomobil yol kənarında olan uşaqlara dəyib. Onlardan 2 nəfər həlak olub, digər azyaşlılar və sürücü xəstəxanaya çatdırılıb.
Rəy yaz