![Türkiyə prokurorluğu İntiqam Əliyedən nə istəyir ?](https://turan.az/resized/media/2012/main/071100005203-750-500-resize.webp)
Türkiyə prokurorluğu İntiqam Əliyedən nə istəyir ?
Türkiyənin Bakırköy cinayət məhkəməsindən və Bakırköy Adliye məhkəməsindən Azərbaycana “Hüquq Maarifçiliyi” cəmiyyətinin rəhbəri İntiqam Əliyev barəsində məhkəmə tapşırıqları daxil olub.
Bakırköy prokurorluğu İ.Əliyevə Türkiyə Cinayət Məcəlləsinin hədə-qorxu, təhqir və dövlət məmurunun vəzifəsini icra etməsinə maneçilik maddələrilə ittiham irəli sürüb və onu 6 aydan 3 ilə kimi həbs gözləyir. Türkiyə prokurorluğu ittiham materiallarının İ.Əliyevə təqdim olunmasını və ittihamlarla bağlı zəruri prosessual hərəkətlərin həyata keçirilməsini istəyir.
İttihamnamədə İ.Əliyevin 2011-ci il dekabrın 6-da Türkiyədən Azərbaycana gələrkən İstanbul hava limanında polis yoxlamasından keçərkən Hüseyn Kunt adlı polis əməkdaşını təhqir etməsi iddiası yer alıb. İttihamnamədə İ.Əliyevin polisə “hambal” deməsi qeyd edilir. Həmin zaman polislə arasında olmuş hadisə haqqında İ.Əliyev polisin kobudluq etməsi, mübahisə yaranması, buna görə bir sutka polisdə saxlanması, polis bölməsində zorakılığa məruz qalması haqda mətbuata açıqlama vermişdi. Bu polis nəfərlərinin adları da məlumdur: Səlaittin Erkarac və Alaittdin Sarıkaya.
Hadisədən dərhal sonra Azərbaycan siyasi partiyaları, 50-dən çox QHT bu hadisəni pisləyərək səslərini qaldırmışdılar. Türkiyənin Azərbaycan səfirliyinə və Azərbaycanın XİN-ə işin obyektiv araşdırılmasında yardımçı olmaları haqda müraciətləri də nəticəsiz qalıb. Türkiyənin prokurorluq orqanları, ardınca isə məhkəmələr hüquqşünasın şikayətlərini rədd edib.
İ.Əliyev baş verənlərə münasibətini belə ifadə edib: “Türkiyə türkcəsində necə səsləndiyini bilmirəm, amma azəri türkcəsində bunun bir adı var: həyasızlıq!”, - deyə İntiqam Əliyev barəsindəki cinayət işinə münasibət ifadə edib. O, cinayət işinin ötən ilin dekabrında qaldırılsa da, 8 ay ərzində cinayət işi barədə İ.Əliyevə və ya vəkillərinə məlumat verilməyib. “Belə anlayıram ki, məqsəd məni həbs etməkdir. Əslində, belə bir planın olduğunu elə həmin dövrdə, həbsdə olduğum zaman mənə bildirmişdilər”.
Çərşənbə axşamı Yasamal rayon məhkəməsində İ.Əliyevlə bağlı Türkiyənin Adliye cinayət Məhkəməsindən daxil olan məhkəmə tapşırığına baxılması gözlənilir, proses saat 16:30-da hakim Ayaz Məmmədovun sədrliyi ilə keçiriləcək. Tapşırığa əsasən, hüquqşünasın ona elan edilən ittihamnamə ilə bağlı ifadəsi alınaraq, Türkiyəyə göndərilməlidir. -05D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz