![Nazirlər Kabinetinin 2012-ci ilin altı ayının yekunlarına həsr olunmuş iclası keçirilib](https://turan.az/resized/750/500/resize/media/2012/main/071100005212.jpg)
Nazirlər Kabinetinin 2012-ci ilin altı ayının yekunlarına həsr olunmuş iclası keçirilib
İyulun 11-də prezident İlham Əliyevin sədrliyi ilə Nazirlər Kabinetinin 2012-ci ilin altı ayının yekunlarına həsr olunmuş iclası keçirilib.
Dövlət başçısı bildirib ki, altı ayda ölkə iqtisadiyyatı uğurla inkişaf edib və qarşıda duran bütün vəzifələr icra edilib. Ümumi daxili məhsul 1,5 faiz artıb. iqtisadiyyatın 1,5 faiz artımı onu göstərir ki, keçən ilin müvafiq dövrü ilə müqayisədə ölkədə 1 milyard dollar dəyərində çox məhsul istehsal edilib.
Altı ayda qeyri-neft iqtisadiyyatı11,3 faiz artıb. “Bu, hesab edirəm ki, dünya miqyasında ən yüksək göstəricidir”, - dövlət başçısı vurğulayıb. Ümumi iqtisadiyyatımızın cəmi 1,5 faiz artımının səbəbi ondan ibarətdir kİ, neft hasilatında müəyyən dərəcədə azalma müşahidə edilir. Nəzərə alsaq ki, neft sektoru iqtisadiyyatımızın böyük hissəsini təşkil edir, əlbəttə, bu azalma istər-istəməz ümumi göstəricilərə də təsir göstərir.
Sənaye istehsalının ümumi həcmi 3 faiz azalıb. Bunun da səbəbi neft hasilatının aşağı düşməsidir. Ancaq qeyri-neft sənayemizin inkişafı 8,3 faiz səviyyəsindədir.
Makroiqtisadi vəziyyət çox müsbətdir, sabitdir. İnflyasiya cəmi 2,2 faizdir. İstehlak bazarına, qiymətlərə daim diqqət göstərilir. Əhalinin pul gəlirləri isə 14,2 faiz artıb. Yəni, inflyasiya ilə əhalinin pul gəlirləri arasında 12 faiz fərq var. Bu da real gəlirlərin nə qədər yüksək templərlə artmasına dəlalət edir.
Milli İnkişaf Proqramının reallaşması nəticəsində regionlarda 46 min yeni, o cümlədən 37 min daimi iş yeri yaradılıb. Dövlət başçısı ölkədə miqrantların fəaliyyətinin tənzimlənməsinə yönələn tədbirlərin həyata keçirilməsinin vacibliyini vurğulayıb. -02D-
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz