![“Yeni çağ” qəzeti idman şöbəsinin müdiri Aydın İşleyen](https://turan.az/resized/news/2024/SehuTjksTK5eikJRA4ruTHW0nKWmafDZfD4UPvhK-750-500-resize.webp)
“Yeni çağ” qəzeti idman şöbəsinin müdiri Aydın İşleyen
Türkiyəli futbol şərhçisi: ”Avropa çempionatı sürprizlərə açıqdır”
“Yeni çağ” qəzeti idman şöbəsinin müdiri Aydın İşleyen,Almaniya Federativ Respublikasında keçirilən futbol üzrə 2024-cü il Avropa çempionatının gedişini Turan İnformasiya Agentliyinə dəyərləndirib.
“Gürcüstanın baxımından işin neqativ tərəfi İspaniyaya qarşı oynaması oldu”
“Futbol üzrə 2024-cü il Avropa çempionatının 1 ölkədə keçirilməsi çox yaxşı oldu.Bundan əvvəl bir neçə ölkədə keçirilməsi dağınıqlığa səbəb olmuşdu. Ona görə indiki çempionatda atmosfer gözəldir.Bu çempionatda yığma komandaların hamısı qrupdan çıxmaq məntiqiylə oynadı,ehtiyatlı futbolu tərcih etdi. Qəribədir ki, 5 böyük Avropa ölkəsindən başqa kiçik ölkələrin yığma komandaları çox gözəl futbol nümayiş etdirdi. Məsələn, Hollandiya və Fransanın olduğu qrupda Avstriya yığma komandası birinci yeri tutdu. 1/8 finalda Türkiyə yığıma komandasıyla oynayacaq. İsveçrə də çox gözəl futbol nümayiş etdirərək qrupdan çıxmağı bacardı. Türkiyə öz qrupunda Portuqaliyaya qarşı pis oynadı. Sürprizlər son anlarda gəldi.Avropanın axırıncı çempionu İtaliyanın çox pis futbol oynayaraq çempionatla vidalaşması sürpriz idi. İlk dəfə Avropa çempionatında iştirak edən Gürcüstan bununla kifayətlənməyərək qrupdan çıxdı və böyük sürpriz etdi. İlk oyunda Türkiyənin bəxti vardı, Gürcüstan da qalib gələ bilərdi. Ondan sonra Portuqaliyaya qalib gəldi, Çexiya ilə heç-heçə etdi. Gürcüstanın 16 komanda arasında yer alması bu ölkə futbolu üçün tarixi hadisədir. İspaniya ilə oynaması işin neqativ tərəfi idi.”
“Müasir futbolda son saniyəyə qədər mübarizə ön plandadır”
“Türkiyənin vəziyyətinə isə stəkanın həm dolu həm də boş tərəfindən baxmaq lazımdır. Gürcüstana qalib gəlib Portuqaliyaya qarşı çox pis oynadıq və məğlub olduq. Əcəl tərləri tökdüyümüz son oyunda 10 oyunçu qalan Çexiyanı son dəqiqələrdə vurduğumuz qolla məğlub etməyi bacardıq. Avstriya ilə oyunumuzda hər şey ola bilər. Türkiyənin bu xüsusiyyəti var: Avropanın və dünyanın ən güclü komandalarına qalib gələ bildiyi kimi, ən zəif komandalara da məğlub ola bilir. Türkiyə yığma komandasında sistem yoxdur, baş məşğçi Montella Barış Alperi hücumda oynadaraq onu passiv hala gətirmişdi, axırıncı oyunda səhvini düzəltdi.Futbol da həyat kimidir, həyatdan gözləntilərimiz həmişə reallaşmadıqları kimi futbola da həmişə fərqli nəticələrə açıq idman növüdür. İtaliya yığma komandasının başına gələnləri görün.Futbol şərhçiləri bu oyunda Avstriyanı üstün göstərsə də Türkiyənin də qalib gəlmə ehtimalı az deyil. Ortada bir oyundur. Qalib gəlsək,Hollanda-Rumıniya oyununun qalibiylə oynayacağıq. Əslində bizim yolumuz açıqdır,çünki yolumuzun üstündə nə Almaniya nə Fransa nə İspaniya var. Əgər üstümüzə düşən vəzifələr düzgün yerinə yetirsək, finala qaədər gedə bilərik. Bu baxımdan yaxşı vəziyyətdə olduğumuzu deyə bilərəm. 2020-ci il çempionatında final oynayan Britaniya az qala məğlub olurdu, son dəqiqələrdə vəziyyətdən çıxa bildi. Türkiyə üçün hər şey yolunda getsə, Britaniya ilə oynama ehtimalımız da var. Türkiyə sürprizləri sevən ölkədir, hər şey ola bilər. Futbol hər cür sürprizlərə açıq olduğuna görə ən çox sevilən idman növlərindən biridir. Müasir futbolda son saniyəyə qədər mübarizə ön plandadır. İndi ulduzların dövrü yox,axıra qədər mübarizə aparan komandaların dövrüdür.”
-
- İqtisadiyyat Göstəriciləri
- 2 İyul 2024 12:00
-
- Maliyyə
- 2 İyul 2024 12:18
Cəmiyyət
-
“Bakcell” şirkəti Azərbaycanda ilk dəfə olaraq Wi-Fi üzərindən zəng xidmətini - VoWiFi (Voice over Wi-Fi) texnologiyasını istifadəyə verib. Yeni xidmət ölkə xaricində olan abunəçilərə smartfonda Wi-Fi şəbəkəsi aktiv olduğu halda dünyanın istənilən yerinə Azərbaycandakı tarif ilə zəng etmək imkanı verəcək.
-
Azərbaycan NATO-nun xarici işlər nazirləri səviyyəsində Vaşinqtonda keçiriləcək sammitinə dəvət olunub. Bu barədə ABŞ dövlət katibinin Avropa və Avrasiya məsələləri üzrə köməkçisi Ceyms O'Brayen iyunun 28-də Azərbaycanda səfərdə olarkən deyib. Onun sözlərinə görə, tədbirdə ümumilikdə 30 tərəfdaş ölkə iştirak edəcək: "ABŞ dövlət katibi Antoni Blinken bu tədbiri Azərbaycan və Ermənistan daxil olmaqla, Şimali Atlantika Alyansının bütün tərəfdaş ölkələri üçün təşkil edir".
-
Azərbaycanın rayonları intensiv leysan yağışından əziyyət çəkməkdə davam edir. Ötən gün güclü yağış ölkənin bir sıra rayonlarında növbəti daşqın və sellərə səbəb olub.
-
İyulun 4-də Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi gözlənilir. Lakin gecə yarımadanın bəzi yerlərində qısamüddətli az yağış yağacağı, şimşək çaxacağı ehtimalı var. Şimal-qərb küləyi gündüz cənub-şərq küləyi ilə əvəz olunacaq.
Rəy yaz