Açiq mənbələrdən foto.
T.Yaqublunun vəziyyəti kritik olduğuna baxmayaraq aclıq aksiyasını dayandırmayıb /YENİLƏNİB/
Vəkil Aqil Layıc xəstəxanada Tofiq Yaqublu ilə görüşüb.
Vəkil Turana bildirib ki, T.Yaqublunun vəziyyəti kritik olduğuna baxmayaraq aclıq aksiyasını dayandırmayıb. "Tofiq Yaqubluya qida əlavəsi olmayan sistem köçürüblər. Bu sistem qanın durulması üçün köçürülüb, çünki qanda ciddi tromblaşma gedir".
Vəkilin sözlərinə görə, T.Yaqublunun yanına həkim Adil Qeybulla buraxılıb.
* * *
2023 Yanvar 11 (Çərşənbə) 19:21:03
DIN Tofiq Yaqublunun xəstəxanaya yerləşdirilməsini şərh edib
Bakı/11.01.23/Turan: Bu gün Tofiq Yaqublu Xəstəxanaya yerləşdirilib. O müalicəsini xəstəxanada davam etdirəcək, yoxsa yenidən Saxlanılma Mərkəzinə qaytarılacaq?- sualına cavab olaraq, DİN-in Mətbuat Xidmətindən bildirilib ki, bu gün həkim Adil Qeybulla DİN-in İnzibati Həbs Olunanların Saxlanılma Mərkəzinə gedərək Tofiq Yaqublu ilə görüşüb. Həkimin məsləhəti ilə T.Yaqublu ətraflı müayinə olunması üçün xəstəxanaya köçürülüb. Tibbi müayinənin nəticəsindən asılı olaraq müvafiq qərar qəbul ediləcək.
* * *
2023 Yanvar 11 (Çərşənbə) 18:27:20
Tofiq Yaqublu xəstəxanaya yerləşdirilib
Bakı/11.01.23/Turan: Tofiq Yaqublu Bİnəqədi rayonunda yerləşən 6 saylı Məlikov adına xəstəxanaya yerləşdirilib. Bu barədə onun qızı Nigar Həzi bildirib.
* * *
2023 Yanvar 11 (Çərşənbə) 17:39:32
Həkim: “Tofiq Yaqublu xəstəxanaya yerləşdirilməlidir”
Bakı/11.01.23/Turan: Çərşənbə günü tibb professoru Adil Qeybulla Binəqədidə inzibati qaydada həbs edilənlərin saxlanma məntəqəsində müxalifətçi siyasətçi Tofiq Yaqubluya baş çəkib. Bu barədə siyasətçinin qızı Nigar Həzi Facebook səhifəsində bildirib.
Onun sözlərinə görə, yanvarın 7-dən aclıq edən atasının vəziyyəti kritikdir, təzyiqi 80/60-a düşüb. Çox solğundur, daim başı gicəllənir və xeyli arıqlayıb.
"Həkim dedi ki, onu dərhal xəstəxanaya köçürməsələr, orqanizmdə geridönməz proseslər başlayacaq", - fəalın qızı qeyd edib.
Professor Qeybulla Turan-ın müxbirilə söhbətində deyib ki, Yaqublunun yaşını və keçirdiyi əməliyyatları nəzərə alsaq, aclıq onun orqanizminə müəyyən təsir göstərib.
O deyib ki, Yaqublunun xəstəxanaya köçürülməsini məqsədəuyğun hesab edir. "Hazırda bu məsələ ilə bağlı danışıqlar aparılır", - professor bildirib.
* Dekabrın 23-də Demokratik Qüvvələrin Milli Şurasının və Müsavat Partiyasının üzvü Tofiq Yaqublu ictimai fəal Bəxtiyar Hacıyevin azadlığa buraxılması tələbilə Bakının mərkəzində keçirilən etiraz aksiyasında saxlanılıb. Həmin gün Səbail məhkəməsi onu xırda xuliqanlıq və polisə tabe olmamaq ittihamı ilə 30 sutka həbs edib. Yanvarın 5-də Bakı Apellyasiya Məhkəməsi bu qərarı qüvvədə saxlayıb. Yaqublu buna etiraz olaraq aclıq elan edib.06В
-
- Çətin sual
- 11 Yanvar 2023 20:02
Cəmiyyət
-
Ötən gecə iki avtoxuliqan şəhərin mərkəzində yarışa girərək, zəncirvari qəza törədib.
-
Azercell-in dəstəyi ilə beynəlxalq olimpiadalara hazırlaşan məktəblilər daha 10 medal qazanıblar 16-21 aprel 2024-cü il tarixlərində Bolqarıstanın Şumen şəhərində informatika fənni üzrə yüksək səviyyəli turnir keçirilib. Sözügedən müsabiqədə “Azercell Telekom” MMC-nin Elm və Təhsil Nazirliyinin tərəfdaşlığı çərçivəsində İnformatika üzrə beynəlxalq olimpiadalara hazırlaşan məktəblilərimiz uğurlu nəticələr əldə ediblər. Onlayn fortmatda yarışa qatılan şagirdlər yuxarı yaş qrupu üzrə 5 gümüş, aşağı yaş qrupu üzrə 5 bürünc medal olmaqla ümumilikdə 10 medal qazanıblar.
-
Azərbaycanda saxlamalar, həbslər davam edir. Dünən, aprelin 29-da Seçkilərin Monitorinqi və Demokratiyanın Tədrisi Mərkəzinin sədri Anar Məmmədli saxlanıb. Onun da qaçaqmalçılıqda şübhəli sayıldığı deyilir. Son aylar Azərbaycanda 20-yə qədər jurnalist, ictimai fəal qaçaqmalçılıq ittihamı ilə həbs edilib. Onlar ittiham ilə razılaşmır, bunu peşə fəaliyyətləri və siyasi sifarişlə izah edirlər.
-
Mayın 1-də Bakıda və Abşeron yarımadasında hava şəraiti əsasən yağmursuz keçəcək. Havanın temperaturu gündüz 21-26 dərəcə isti təşkil edəcək.
Rəy yaz