Vətəndaş Cəmiyyətini Müdafiə Komitəsinin və “Siyasi Məhbuslarsız Azərbaycan” Alyansının nümayəndələri çərşənbə günü üç siyasi məhbusun ailəsinə baş çəkib. Siyasi məhbuslar Fərəc və Sirac Kərimli, Nemət Pənahlı və Məmməd İbrahimin qohumları ilə görüş Novruz bayramına həsr olunub.
“Ailələri təbrik etmək və vətəndaş cəmiyyətinin onlarla mənəvi həmrəyliyini dilə gətirmək üçün bayramda onlarla görüş keçirməyi qərara aldıq”, deyə keçmiş siyasi məhbus Əvəz Zeynallı bildirib.
Bayram günlərində digər siyasi məhbuslara da baş çəkmək planlaşdırılır.
Milli Dövlətçilik Partiyasının lideri Nemət Pənahlı 2011-ci il iyunun 17-də şübhəli adam döymə ittihamı ilə 6 il müddətinə azadlıqdan məhrum edilib. O, Siyasi Məhbuslarsız Azərbaycan” Alyansı tərəfindən siyasi məhbus kimi tanınıb.
Müxalifət fəalları Fərəc və Sirac Kərimli 2015-ci ildə qanunsuz narkotik maddə saxlamaq ittihamı ilə 6,5 və 6 il müddətinə azadlıqdan məhrumetmə cəzasına məhkum olunub. Amnesty İnternational beynəlxalq hüquq müdafiə təşkilatı Fərəc və Sirac Kərimlini “vicdan məhbusu” elan edib və onları dərhal azad etməyə çağırıb.
Azərbaycan Xalq Cəbhəsi Partiyasının müşaviri Məmməd İbrahim 2016-cı il martın 15-də xuliqanlıq ittihamı ilə 3 il müddətinə azadlıqdan məhrum edilib. Məmməd İbrahim Azərbaycanda yerli hüquq müdafiəçilərinin, jurnalistlərin, vəkillərin və digər vətəndaş cəmiyyəti fəallarının tərtib etdiyi siyasi məhbuslar siyahısına daxil edilib. -0-
Cəmiyyət
-
Yanvarın 11-də Bakıda hava dəyişkən olacaq, yağıntı olmayacaq. Səhər Abşeronun bəzi yerlərində qısamüddətli yağış yağa bilər. Mülayim cənub-qərb küləyi əsəcək.
-
Yeni funksiya sayəsində müştərilər fərdiləşdirilmiş təkliflərdən birbaşa ”Azercell” tətbiqindən faydalana biləcəklər Abunəçilərinə ən yaxşı rəqəmsal təcrübəni təqdim etməyi hədəfləyən lider mobil operator “Azercell” tətbiqinin texnoloji imkanlarını genişləndirməyə davam edir. Abunəçilər üçün xüsusi hazırlanan təkliflərlə artıq birbaşa tətbiqdən tanış olmaq və rahat şəkildə faydalanmaq mümkündür.
-
2017-ci ildə Sumqayıt Şəhər Məhkəməsi Qubadlıdan qaçqın olan Əliyevlər ailəsinin (Əkbər, Sərvinaz, Ramil və daha iki ailə üzvü) 12-ci mikrorayon, ev 7A, mənzil 35 ünvanında qanunsuz tutduğu mənzildən çıxarılması barədə qərar qəbul edib. Məhkəmə əmlakın qanuni sahibinə- Səmayə Əliyevaya qaytarılması barədə qərar qəbul edib.
-
Yanvarın 10-da Bakıda və Abşeron yarımadasında hava tutqun, yağışsız olacaq. Mülayim cənub-şərq küləyi əsəcək. Gecə 5-8, gündüz 9-14 dərəcə isti olacaq.
Rəy yaz