![Baş nazirin müavini «xalqın içində»](https://turan.az/resized/./turan-750-500-resize.webp)
Baş nazirin müavini «xalqın içində»
Yeni Azərbaycan Partiyasının sədr müavini, icra katibi, baş nazirin müavini Əli Əhmədov bu gün Bakının Xətai rayonundakı kənd təsərrüfatı yarmarkasında, Nərimanov rayonundakı “Yaşıl bazar”da və "Grandmart" marketdə media nümayəndələrinin iştirakı ilə bayramqabağı qiymətlərə baxış keçirib. Baxış zamanı yarmarkada qiymətlər münasib olsa da, “Yaşıl bazar”da, “Grandmart" marketdə qiymətlərin 3-4 dəfə baha olduğu müəyyən edilib. Baş nazirin müavini bundan ciddi narahat olub.
Məmur jurnalistlərə bildirib ki, baxış zamanı satış mərkəzlərində mal çeşidlərinin təxminən eyni olduğu, keyfiyyətlərində bir fərq olmadığı aşkarlanıb: "Amma qiymətlərdə fərq çox yüksəkdir. Bundan ciddi nəticələr çıxarılmalıdır. Əlbəttə, qiymətlərdə fərq qeyri-adi hal deyil, lakin bir şərtlə ki, fərq bu dərəcədə böyük olmasın. Hazırda qeyri-adilik odur ki, qiymətlərdə fərq olduqca yüksəkdir. Yarmarkada alıcıların sayı çox idi. İnsanlar oradan mal alırlar. Ənənəvi bazarda isə satıcılar çox, amma alıcılar demək olar ki, yoxdur. Çünki qiymətlər çox bahadır. Bizim məqsədimiz ondan ibarətdir ki, qiymətlərdə fərq az olsun. Düşünürəm ki, yarmarkalarda xidmətin keyfiyyətinin yüksəldilməsinə ehtiyac var, bazar və marketlərdə isə qiymətlərin süni sürətdə artırılması ilə əlaqədar ciddi işlər görülməlidir”.
O, bəyan edib ki, bayram günlərində həm insaf və ədalət baxımından, həm də bazar prinsipləri baxımından gərək qiymətlər aşağı salınsın: “Təəssüf ki, bizdə bəzən nə satıcılar, nə də sahibkarlar biznes qaydalarına, bayram adət-ənənələrinə əməl edir. Çox yaxşıdır ki, prezidentin tapşırığı ilə yarmarkalar yaradılıb, burada insanlara xidmət göstərilir, qiymətlər qaldırılmır. Hesab edirəm ki, bundan sonra yarmarkaların sayı artırılmalıdır ki, bu, bazarlardakı qiymətlərə də təsir etsin”.
Turan dəfələrlə mlların gömrükdəki qiymətləri ilə satış qiymətləri arasında ciddi fərqlər barədə yazıb, amma məmurlra reaksiya verməyib. İndi narazılığın qarşısını almaq üçün «xalqın içinə» gedirlər. Ekspertlərə görə, nəticə əldə edilməsi üçün gömrük trifləri və vergilər azaldılmalı, özbaşına yoxlamalar aradan qaldırılmalıdır. Əks təqdirdə istehlakçı dəfələrlə qiymət fərqi ilə üzləşəcək. --17D—
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz