Ucar rayonu sakini polis rəisi ilə bağlı şikayəti təkzib edir...
Ucar rayon Qaziyan kənd sakini Mirilyas Əhmədov Oğuz rayon polis şöbəsinin rəisi Tahir Quliyev haqqında bir neçə gün öncə yaydığı şikayəti bazar ertəsi təkzib edib.
M.Əhmədovun adından 0202130025 nömrəli faksla yayılan ərizədə onun adından yayılan şikayəti T.Quliyevə qarşı “yalan, şər və böhtan” adlandırır. M.Əhmədov T.Quliyevdən şikayətinin olmadığını diqqətə çatdırır.
“Xahiş edirəm ki, mənim adımdan yalandan yazılan həmin məqaləni internet-saytlardan siləsiniz və sizə yalan məlumat verən şəxs haqqında tədbir görülməsi üçün müvaifq orqanlara məlumat verəsiniz”, deyə Mirilyas Əhmədov bildirir.
Təkzibdə M.Əhmədov əlavə olaraq bu haqda müvafiq orqanlara şikayət göndərdiyini də nəzərə çatdırır.
Təkzibin həqiqətən də M.Əhmədov tərəfindən verilməsini dəqiqləşdirmək üçün (050) 8823580 nömrəli telefona gün ərzində dəfələrlə zəng etsək də, bu telefon “hazırda zəngləri qəbul etmir” cavabını verir. Ona görə də təkzibin birmənalı şəkildə M.Əhmədova aid olmasını dəqiqləşdirə bilmədik. Bununla yanaşı, 0202130025 nömrəli faks mövcuddur və bu faksın kimə və ya hansı təşkilata aid olduğunu müəyyən etmək mümkün deyil.
Xatırladaq ki, M.Əhmədov sentyabrın 23-də elektron poçtla ölkənin çoxsaylı internet resurslarına şikayət ünvanlayıb. Şikayətin məzmunu ondan ibarətdir ki, atası, 3 qardaşı və daha 10 fəhlə ilə Bərdə rayonunda “Qızıl balıq” hotel-restoranında 6 ay işləyiblər, amma 7250 manat əmək haqlarını ala bilmirlər. Onun yazdığına görə, bu obyekt polis rəisinə məxsusdur.
Sikayət məktubu elektron ünvanımıza daxil olarkən yuxarıda göstərilən (050) 8823580 nömrəli telefonla əlaqə saxladıq və M.Əhmədov telefon danışığı zamanı şikayət yaydığını təsdiqlədi.
Burada yalançının və saxtakarın kim olmasının tapılmasında Turan agentliyi də maraqlıdır. -05D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz