Müsavat Partiyası seçki prosesinin indiki mərhələsindəki hüquqi pozuntularla bağlı bəyanat yayıb.
Müəlliflər deputatlığa namizədlərin irəli sürülməsi məqsədilə imzaların toplanması, sənədlərin dairə seçki komissiyalarına təqdim olunması mərhələsində ölkə boyu qanun pozuntuları və zorakılıqlara yol verildiyini bildirirlər.
Müəlliflər bildirirlər ki, 50 saylı Abşeron-Qobustan seçki dairəsi ərazisində imza toplayan partiyanın səlahiyyətli nümayəndəsi Qədim Soltanovun oğurlanması, 55 saylı Xaçmaz şəhər seçki dairəsindən namizəd Söhrab Əmrahov imza vərəqlərini dairə seçki komissiyasına təqdim edərkən maşınının qəzaya uğradılması, özünün DSK həyətində zorakılığa məruz qalması faktları hüquq-mühafizə orqanları tərəfindən bu günə qədər lazımi hüquqi qiymətini almayıb.
Daha sonra 55 saylı Xaçmaz şəhər, 82 saylı Ağcabədi, 91 saylı Ucar, 97 saylı Goranboy-Ağdam-Tərtər, 108 saylı Ağstafa seçki dairələrində imza toplayanlara qarşı mənəvi təzyiqlərin davam etdiyi bildirilir. 82 saylı Ağcabədi və 55 saylı Xaçmaz şəhər seçki dairələrində partiya namizədlərinə imza toplayan şəxslərə icra hakimiyyəti və bələdiyyələrin təzyiqlərinin mənəvi terror həddinə çatdığı iddia edilir. Ağcabədi rayonunun Muğanlı kəndində imza verən seçicilərə qarşı təzyiqlər, hədə-qorxular insanları təngə gətirib. Bəzi DSK-larda hakimiyyətin təzyiqinə məruz qalan şəxslərin imza vərəqələrini “itirmək” planı həyata keçirilir (29 saylı Səbail, 75 saylı Lənkəran-Masallı, 85 saylı Şamaxı, 108 saylı Ağstafa və s.).
DSK-larda imzaların yoxlanılması prosesində partiya namizədlərinin və ya səlahiyyətli nümayəndələrinin iştirakına imkan verilmir.
Son olaraq, müəlliflər seçki kampaniyasının bu mərhələsində baş verən qanun pozuntularının bir mərkəzdən idarə olunduğunu bildirilər. Hakimiyyətin azad və ədalətli seçki keçirmək niyyətindən uzaq olduğunun daha bir sübutu adalandırırlar.
Müəlliflər rəsmi Bakıdan qanun pozuntularına, vətəndaşlıq borcunu yerinə yetirən vətəndaşlara qarşı təzyiq və təqiblərə son qoyulmasını tələb edirlər. -05D-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz