“Uşaqların xoşbəxt gələcəyi” xeyriyyə təşkilatı aprelin 25-də saat 19.00-da Four Seasons otelində ürək qüsuru olan uşaqlara yardım göstərilməsi məqsədilə tədbir keçirəcək.
Tədbir zamanı gənc rəssam Nərmin Rəhimovanın “Fırça ilə uşağın həyatını bəzəyək” adlı şəkil satış-sərgisi keçiriləcək. Satışdan əldə olunan vəsait ürək qüsurundan əziyyət çəkən uşaqların müalicəsinə yönləndiriləcək. Həmçinin Azərbaycanın əməkdar artisti Tünzalə Ağayevanın və xalq artisti Mənsum İbrahimovun iştirakı konsert keçiriləcək.
KİV nümayəndələri bu tədbiri işıqlandırmaq üçün dəvət edilir.
“Uşaqların xoşbəxt gələcəyi” təşkilatı 25 aprel 2005-ci ildə yaradılıb və ötən müddət ərzində müxtəlif xəstəliklərdən əziyyət çəkən uşaqlara yardım üzrə böyük işlər görülüb. -06D-
Cəmiyyət
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
-
Yanvarın 31-də saat 12 radələrində Ağcabədi rayonunun Hindarx qəsəbəsində yerləşən evlərdən birində 5 nəfərin ölməsi, 2 nəfərin yaralanması ilə nəticələnən partlayış baş verib. Xəbəri Baş Prokurorluğun mətbuat xidməti yayıb. Faktla bağlı Ağcabədi rayon prokurorluğunda araşdırma aparılır.
-
Şənbə günü Bakıda hava şəraiti dəyişkən buludlu, yağmursuz olacaq. Şimal-şərq küləyi əsəcək. Havanın temperaturu gecə 5-7 dərəcə, gündüz 8-12 dərəcə olacaq. Nisbi rütubət 70-80% təşkil edəcək.
-
Yanvarın 29-da Azərbaycanda bələdiyyə seçkiləri keçirildi. 118 dairə üzrə seçkilərdə 16 mindən çox namizəd iştirak etdi. Mərkəzi Seçki Komissiyasının (MSK) saytında artıq lider namizədlərin adları açıqlanıb. Seçkidən saatlar sonra isə MSK sədri Məzahir Pənahov brifinqdə bildirmişdi ki, 685 bələdiyyənin 413-ü artıq formalaşmış hesab edilir, lider namizədlərin sayı 7 min 791 nəfərdir. Onun sözlərinə görə, bütün dairələrdə seçkilər normal keçib və rəhbərlik etdiyi quruma heç bir şikayət daxil olmayıb. Halbuki, müstəqil namizədlər və ekspertlər seçkilərin gedişatında pozuntuların olduğunu deyirlər.
Rəy yaz