Nəqliyyat Nazirliyi Asiya İnkişaf Bankı ilə “İkinci Yol Şəbəkəsinin İnkişafı Proqramı, Layihə 1” kredit sazişi imzalayıb.
Qapalı qapılar arxasında bağlanan sazişin məbləği bəlli deyil.
Nazirliyin saytının məlumatına görə, kredit təxminən 32.2 km uzunluğunda yeni dörd zolaqlı (IB dərəcəli) “Masallı-Cəlilabad avtomobil yolu hissəsi” üzrə tikinti-quraşdırma işlərinin və digər layihə komponentlərinin maliyyələşdirilməsi üçün nəzərdə tutulub.
Bu yol Şimal-Cənub dəhlizindədir və Ələt-Astara magistralının bir hissəsidir.
Layihə iki yeni zolağın artırılması və avtoyolun IB kateqoriyasına yüksəldilməsini nəzərdə tutur.
Əvvəllər AİB məlumat vermişdi ki, bu layihənin maliyyələşdirilməsi 2007-ci ildə təsdiqlənən $500 mln-luq yol tikintisi paketinin tərkib hissəsidir. Kredit 4 il güzəşt müddəti ilə 24 ilə, altı aylıq libor +0,4% dərəcəsi ilə verilir. Beləliklə, Masallı-Astara yolu üçün AİB 2007-ci ildən Azərbaycana $455,4 mln ($200 mln, $55,4 mln və sonuncu $200 mln) ayırıb. 08D
İqtisadiyyat
-
BMT-nin İqlim Dəyişiklikləri üzrə Çərçivə Konvensiyasının 29-cu Tərəflər Konfransı (COP29) iqlim dəyişikliyinə qarşı qlobal vahid cavab istiqamətində əhəmiyyətli bir addım atdı. Bakıdakı müzakirələrin ilk günündə iştirakçı ölkələr karbon kreditlərinin yaradılması və ticarəti qaydaları üzrə tarixi razılıq əldə etdilər. Bu qərar, BMT-nin nəzarətində olacaq çoxmilyardlıq karbon kreditləri bazarının gələn il kimi erkən bir vaxtda işə salınmasına yol açır.
-
Azərbaycan Dövlət Neft Şirkəti (SOCAR), Albaniyanın İnfrastruktur və Energetika Nazirliyi və Albaniyanın qaz şirkəti Albgaz 29-cu BMT-nin İqlim Dəyişikliyi Konfransı (COP 29) çərçivəsində bazar günü Bakıda Anlaşma Memorandumu (MoU) imzaladılar.
-
Gürcüstan Baş nazirinin birinci müavini və İqtisadiyyat və Davamlı İnkişaf naziri Levan Davitaşvilinin sözlərinə görə, Azərbaycanın yaşıl enerjisinin Gürcüstan və Qara dəniz vasitəsilə Rumıniya, Macarıstan və Bolqarıstana çatdırılmasını nəzərdə tutan "Yaşıl Enerji Dəhlizi" layihəsi investisiya qiymətləndirmə mərhələsinə daxil olub.
-
Azərbaycanın Dövlət Neft Şirkəti (SOCAR) və İtaliyanın Italgas şirkəti BMT-nin İqlim Dəyişikliyi üzrə Çərçivə Konvensiyasının 29-cu sessiyası (COP29) çərçivəsində bazar günü enerji keçidini sürətləndirmək məqsədilə əməkdaşlıq sazişi imzalayıb.
Rəy yaz