Bakı/21.04.17/Turan: Prezident Administrasiyası uşaq hüquqları haqqında qanuna düzəlişləri parlamentə təqdim edib. Düzəlişlər uşaqların zərərli reklamdan qorunmasına yönəlib.
Cümə günü Ailə, qadın və uşaq məsələləri komitəsinin iclasında həmin düzəlişlərə baxılıb.
Parlament komitəsinin rəhbəri Aqiyə Naxçıvanlının sözlərinə görə, düzəlişlər uşaqların sağlamlığının qorunmasına, onların təhlükəsizliyinin təminatına yönəlib.
Əsasən düzəlişlər uşaq verilişlərinin reklama ayrılmasını qadağan edir.
Həmçinin dərsliklərdə, təhsil materiallarında, məktəb gündəliklərində, dəftər, albom və uşaq kitablarında reklamdan istifadəyə qadağa nəzərdə tutulub.
Məktəbəqədər və ümumtəhsil müəssisələrində uşaqların tərbiyəsinə və sağlamlığına zərər vura biləcək reklamların yerləşdirilməsnə yol verilmir.
Qanun layihəsi parlament iclasında baxılmaq üçün tövsiyə olunub.02D-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz