ÜST və Səhiyyə Nazirliyi yeni sətəlcəm virusu ilə əlaqədar ehtiyatlı olmağa çağırırlar

Баку/16.01.20/Turan:Çində yeni koronavirusun səbəb olduğu sətəlcəmin yayılması ilə  əlaqədar Ümumdünya SəhiyyəTəşkilatı  (ÜST) və Azərbaycan Səhiyyə Nazirliyi xarici səyahət və ticarətlə bağlı birgə tövsiyələr dərc ediblər. 

Vətəndaşlara kəskin respirator xəstəlikləri riskini azaltmaq üçün aşağıdakılar tövsiyə olunur:

- Kəskin respirator xəstəliklərdən əziyyət çəkən insanlarla yaxın təmasda olmamaq;

- Əlləri mütəmadi yumaq, xüsusilə xəstə insanlar və onların ətraf mühit ilə birbaşa təmasdan sonra;

- Canlı və ya heyvanlarla yaxın təmasdan çəkinmək;

- Kəskin respirator infeksiyanın simptomlarını daşıyan sərnişinlər öskürərkən məsafə saxlamalı, öskürərkən və asqırarkən ağızlarını birdəfəlik istifadə üçün dəsmalla bağlamalı, əllərini yumalıdırlar.

Dekabrın 31-də Çinin Uhan şəhərində (Hubey əyalətinin inzibati mərkəzi) hakimiyyət naməlum mənşəli pnevmoniyanın yayıldığını bildirib. Həmin vaxt 27 xəstəlik hadisəsi qeydə alınıb. Bəziləri hazırda qapalı olan şəhər dəniz məhsulları bazarı ilə əlaqəlidir.

Yanvarın 11-nə qədər pnevmoniyanın yeni növündən bir nəfər ölüb. Ümumilikdə, şəhərdə xəstələrin sayı 41-ə çatıb, yeddi nəfərin vəziyyəti ağırdır. Şərqi və Cənubi Asiyanın digər yerlərində də bu xəstəliklə bağlı hallar qeydə alınıb.

Hazırda xəstələr  ilə sıx əlaqədə olan 739 nəfər  həkimlərin nəzarəti altındadır. - 06D-