VCMK siyasi məhbusların azadlığa buraxılmasını tələb edir
Vətəndaş Cəmiyyətini Müdafiə Komitəsinin (VCMK) Azərbaycan hakimiyyətini ölkədə siyasi repressiyalara son qoymağa və həbsdə olan bütün siyasi məhbusları qeyd- şərtsiz azad etməyə çağırır.
“Azərbaycan hakimiyyəti yerli və beynəlxalq ictimaiyyətin tələblərinə baxmayaraq,
ictimai- siyasi fəallara qarşı təzyiq və təqib kampaniyasını davam etdirir. Fərqli düşüncələrə malik vətəndaşlar izlənilir, ogurlanır, işgəncələrə məruz qalır, şərlənib həbs olunur və fantastik məhkəmə cəzalarına məruz qalır”, - VCMK-nın bəyanatında deyilir.
Xüsusən, “Nardaran işi” ilə bağlı davam edən məhkəmə proseslərində bu faktlar daha çox yer alıb.
“Məhkəmələr müstəqil olmadığı üçün müdafiə tərəfinin təqdim etdiyi çoxsaylı dəlil sübutları ya araşdırmaqdan imtina edir, ya da işin hallarına obyektiv və ədalətli qiymət vermir. Bunun nəticəsində heç bir cinayət törətməyən insanlar ağır maddələrlə ittiham olunaraq absurd cəza alırlar”, - bəyanatda vurğulanır.
VCMK-da narahatlıq doğuran digər məsələ siyasi məhbusların səhhətidir. “Həbsdə olan Ruhulla Axundzadə qan təzyiqindən və ayaqlarına su yığılmasından, Faiq Əmirli (“Azadlıq” qəzetinin maliyyə direktoru) mədə- bağırsaq xəstəliyindən, İlkin Rüstəmzadə isə nevroz və mədə ağrılarından əziyyət çəkir. Acınacaqlı haldır ki, həmin şəxslərin ailə üzvlərinin və vəkillərinin aidiyyatı qurumlara dəfələrlə etdikləri müraciətə baxmayaraq, onların müalicəsi üçün lazımi addımlar atılmır”, - sənəddə deyilir.
VCMK-nın məlumatına görə, ölkədə siyasi məhbusların sayı 160 nəfərə çatır və adambaşına düşən siyasi məhbusların sayına görə Azərbaycan Avropanın lider ölkələrindən biri sayılır.
“Vətəndaş Cəmiyyətini Müdafiə Komitəsi Azərbaycan hakimiyyətini ölkədə siyasi repressiyalara son qoymağa və həbsdə olan bütün siyasi məhbusları qeyd- şərtsiz azad etməyə çağırır”, - sənəddə vurğulanır.
*VCMK 2009-cu ildə yaradılıb. O zaman komitəyə 10-a yaxın müstəqil QHT daxil olub. Hazırda VCMK-da 20 fəal iştirak edir.–06D--
Cəmiyyət
-
Bazar günü, oktyabrın 6-da Bakıda və Abşeron yarımadasında hava şəraitinin dəyişkən buludlu, əsasən yağmursuz olacağı gözlənilir, mülayim cənub-şərq küləyi əsəcək.
-
Naxçıvanda 1 saylı tam orta məktəbin müəlliməsi Səriyyə Qənbərova işdən çıxarılıb. Naxçıvan MR Təhsil Nazirliyindən bildirilib ki, o, məktəbdə sinif rəhbəri vəzifəsi və həftəlik 26 saat dərs yükü ilə təmin edilmişdi. "2024-cü ilin sentyabr ayı ərzində əmək intizamını pozaraq işə çıxmayıb, tədris başlandıqdan sonra üzrlü səbəb olmadan cədvəl üzrə dərslərini tədris etməyib. Həmçinin Səriyyə Qənbərova müxtəlif sosial şəbəkələrdə və saytlarda paylaşdığı məlumatlarla, eyni zamanda müəssisədə insident yaratmaqla "Təhsilverənlərin etik davranış Qaydaları"nı kobud surətdə pozub".
-
Son zamanlar bəzi dövlətlər dünyanı nüvə silahı ilə təhdid etməkdədir. 2022-ci ildə Ukraynaya açıq təcavüz edən Rusiya rəsmiləri də son aylar Qərb ölkələrini Ukraynaya verdikləri silahlarından onların ərazilərini vurmağa icazə verəcəkləri təqdirdə açıqca nüvə silahından istifadə edə biləcəkləri ilə hədələyirlər.
-
Oktyabrın 5-də paytaxtda hava dəyişkən olacaq, yağıntı olmayacaq. Şimal-şərq küləyi şimal-qərb küləyinə keçəcək.
Rəy yaz