Vəhabilər Azərbaycana qarşı ittiham və cinayətləri konkretləşdirirlər
Sosial şəbəkələrdə Azərbaycanda şiələrə qarşı təhqir və hədələr artıq konkretləşir.
Azər Hüseynov adlı birinin adıyla yayılan mesajlarda şərəf və ləyaqətə, heysiyyata toxunan ağır məqamlar var. Bu mesajlarda A.Hüseynov olduğu iddia edilən şəxs qarşı tərəfə “sələfilər” deyə müraciət edərək Azərbaycanda törədəcəkləri cinayətlərı sıralayıb. Bu mesajları eyni zamanda ölkə şiələrini təxribata çəkmək cəhdi də saymaq olar.
A.Hüseynov tərəfdaşlarına “Ey mənim sələfi bacı və qardaşlarım” şəklində müraciət edərək törətdikləri terrorları “cihad” kimi tanıtmaq istəyir.
Azərbaycanda cihada başlayacaqlarını bəyan edən sənəd müəllifi şiələrə münasibətdə əzab-əziyyətin hədd-hüdüd tanımayacağı barədə xəbərdarlıq edir. Bütün şiələrin Azərbaycandan çıxarılacağı bildirilir və Azərbaycana “islam”ın gələcəyini bəyan edirlər.
Hələlik televizorlarda sələfi alimləri kimi tanıdılan Elşad Miri, Qamət Süleymanov və digərlərinin sələfiliyi təbliğ etdikləri iddia olunur.
Müraciətdə ermənilərin Azərbaycana qarşı dini zəmində törətdikləri vəhşiliklərə də haqq qazandırılır. “Ermənilərə halal olsun ki, şiələrin Qarabağda, Şuşada “İmam Əli” adı verdikləri məscidləri dağıdıb bütpərəstliyin kökünü kəsdilər. İnşallah vaxtımız çatan kimi yerdə qalan şiələrin də bir seyyid ocağını belə sağ buraxmayacağıq. İnşallah Bakıdakı Mirmövsüm ağa ziyarətgahını partlatmağın savabını Allah biz sələfi qardaşlara nəsib edəcək” deyə müraciətdə anonsu verilən vəhşiliyə Allahdan uğur istənilir.
Bundan əlavə, adlarını gizlin saxlayan bir neçə vəhabi Əbu Malik əl-Cuhani adlı vəhabi şeyxinə zəng edərək verdikləri dini məzmunlu sualların cavabında ondan Azərbaycan əlyehinə fətfalar alır və videosənəd şəklində sosial şəbəkələrdə yayırlar.
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz