Vəkil AXCP fəalı Elvin Abdullazadəyə bəraət verməyə çağırıb
Bakı Ağır Cinayətlər Məhkəməsində qanunsuz narkotik dövriyyəsində ittiham olunan AXCP Gənclər Komitəsinin üzvü Elvin Abdullayevin (Abdullazadə) işi üzrə prosesdə bu gün təqsirləndirilən şəxsin vəkili Əli Mehdiyev son sözlə çıxış edib.
O, məhkəmədən gəncə bəraət verməyi xahiş edib. Vəkilin sözlərinə görə, ibtidai istintaq kobud qanun pozuntuları ilə keçirilib. Belə ki, polis bölməsində Abdullazadənin saxlanılmasından 8 saat sonra üzərində axtarış aparılıb. Bu zaman saxlandıqdan dərhal sonra o, vəkillə təmin edilməyib, dindirmə prosesi axtarışdan əvvəl həyata keçirilib.
Bundan başqa, hal şahidlərindən biri ən az üç cinayət işində bu qisimdə cəlb edilib ki, bu da onun qərəzsiz olduğundan şübhələnmək üçün əsas verir.
Abdullazadə özü çıxışa hazır olmadığına görə proses iyunun 1-i saat 12.30-a qədər təxirə salınıb.
Abdullazadənin anası Zülfiyyə Abdullayeva Turan-a bildirib ki, oğlu siyasi motivlərlə təqib olunur. O, həmçinin qeyd edib ki, istintaq təcridxanasında oğluna fiziki təzyiq göstərilir.
* E.Abdullazadəyə qarşı 234.4.3-cü maddə ilə (böyük ölçüdə narkotik maddənin qanunsuz dövriyyəsi) ittiham irəli sürülüb. Lakin AXCP-də fəalın təqibinin əsl səbəbinin tələbələr arasında demokratiya ideyalarını fəal şəkildə təbliğ etməsi və hökumətin siyasətini tənqid etməsi olduğunu hesab edirlər. -06B-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz