A.Abdullayev hakimi məhkəmə prosesini yekunlaşdırmağa çağırıb
Cümə günü Bakı Ağır Cinayətlər Məhkəməsində AMAY şirkətinin rəhbəri Abdulla Abdullayev və təqsirləndirilən daha 5 nəfər üzərində nöbvəti məhkəmə prosesi keçirilib.
Məhkəmə prosesində şahid Elşən Hüseynov dindirilib. O, “Vüsalə-96” firması vasitəsilə “Texnikabank”dan kredit götürdüyünü və həmin vəsaitin AMAY şirkətinə məxsus “Xətai” ticarət mərkəzində tamamlama işlərinə sərf edildiyini bildirib.
Vəkillər məhkəmə heyətini şahidlərin məhkəmə prosesinə cəlb edilməsındə maraqlı olmamaqda ittiham ediblər. Prosesdə çıxış edən A.Abdullayev zərərçəkənlərin, şahidlərin əksəriyyətinin dindirildiyini əsas gətirərək, hakimi prosesi yekunlaşdırmağa çağırıb.
Müdafiə tərəfi A.Abdullayevin vəkillərinin yanında oturmasını təmin etmək kimi vəsatətlər qaldırsalar da, hakim bunları iyunun 2-nə təyin etdiyi məhkmə prosesində qaldırmağı tövsiyə edib.
AMAY şirkətinin rəhbəri A.Abdullayev 2014-cü ilin aprelində həbs edilib. Ona dələduzluq, səlahiyyətindən sui-istifadə, külli miqdarda dövlət vəsaitini mənimsəmə, “çirkli” pulların yuyulması kimi ittihamlar irəli sürülüb. Amma A.Abdullayev bütün ittihamları birmənalı olaraq rədd edir və özünü təqsirli bilmir.
A.Abdullayev üzərində məhkəmə prosesi 2015-ci il yanvarın 29-dan başlayıb. -05C-
-
- Cəmiyyət
- 29 May 2015 16:59
-
- İqtisadiyyat
- 29 May 2015 17:40
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz