Mayın 8-də Müşahidə Şürasının sədri Nizami Piriyev həbs ediləndən sonra fəaliyyətini dayandıran Metanol Zavodu istehsalı iyunun əvvəlində bərpa edəcək. Bu barədə AzMeCo məlumat yayıb.
Piriyev mayın 28-də məhkəmənin qərarı ilə azad edilib. «Metanol Zavodunun tikintisi və fəaliyyət göstərməsi ilə bağlı Azərbaycan Beynəlxalq Bankından götürdüyüm kredit vəsaitlərinin bir hissəsini istintaq dövründə ödəmişəm, eləcə də kredit borclarımın digər hissəsinin ödənilməsi ilə bağlı Azərbaycan Beynəlxalq Bankı ilə razılıq əldə etmişəm», deyə Piriyev bildirir. Amma məbləğ barədə məlumat verilmir.
Maraqlıdır ki, SOCAR-ın AzMeCo-ya qazı hansı qiymətə satacağı barədə məlumat yoxdur.
Illik istehsal gücü 720 min ton olan zavodun tikintisi (2009-2013-cü illər) AzMeCo-ya $450 mln-a başa gəlib. Bunun $150 mln-ı Avropa Yenidənqurma və İnkişaf bankı $300 mln-u Azərbaycan Beynəlxalq Bankı ayırıb.
Dövlətstatkomun məlumatına görə, bu ilin 4 ayında Azərbaycanda 44,9 min ton methanol (metal spirti) istehsal edilib. I rübdə bəyannamə qiyməti $7 mln 526,4 28 min olan 35,7 min ton məhsul ixrac edilib. 08B
İqtisadiyyat
-
Nazirlər Kabineti azad edilmiş ərazilərdə kənd təsərrüfatı torpaqlarının kənd və qəsəbə sakinlərinə güzəştli şərtlərlə icarəyə verilməsi ilə bağlı yeni qaydaları təsdiqləyib. Bu təşəbbüs kənd icmalarının dirçəldilməsinə və kənd təsərrüfatı istehsalının stimullaşdırılmasına yönəlib.
-
Azərbaycanın qlobal ticarətdə mövqeyini gücləndirmək istiqamətində əhəmiyyətli bir addım olaraq, Biznes Mühiti və Beynəlxalq Reytinqlər Komissiyasının "Beynəlxalq Ticarət" işçi qrupu videokonfrans keçirdi. Görüş zamanı əldə edilmiş irəliləyişlər müzakirə edildi və 2025-ci il üçün hədəflər müəyyənləşdirildi. Görüşdə əsas iştirakçılar arasında İqtisadiyyat nazirinin birinci müavini Elnur Əliyev, İqtisadi İslahatların Monitorinqi və Qiymətləndirilməsi Sektorunun rəhbəri Vüsal Şıxəliyev və Dövlət Gömrük Komitəsi sədrinin müavini Natiq Şirinov yer alıb.
-
Azərbaycanın İqtisadiyyat Nazirliyi və Azərbaycan İxracın və İnvestisiyaların Təşviqi Agentliyinin (AZPROMO) təşəbbüsü ilə bu həftə Bakıda mühüm ixracatçılar görüşü keçirildi. Tədbir hökumət rəsmiləri, sənaye liderləri və sahibkarları bir araya gətirərək, son bir il ərzində ixrac əməliyyatlarında əldə olunan irəliləyişi nəzərdən keçirmək və 2025-ci il üçün iddialı hədəflər müəyyənləşdirmək məqsədi daşıyırdı.
-
Dövlət Gömrük Komitəsinin məlumatına görə, bu ilin ilk on bir ayı ərzində Azərbaycan dəmir yolu ilə 6,96 milyon ton yük daşımış və bu yüklərin dəyəri 3,01 milyard dollar təşkil etmişdir. Bu, 2023-cü ilin eyni dövrü ilə müqayisədə həcm baxımından 4%, dəyər baxımından isə 10,1% azalma deməkdir.
Rəy yaz