Bəxtiyar Hacıyev
Bakı/28.02.23/Turan: 51 gündür Penitensiar Xidmətin müalicə müəssisəsində aclıq edən fəal Bəxtiyar Hacıyev ağır fiziki və psixoloji vəziyyətdədir. Bu barədə Turan-a çərşənbə axşamı fəalı ziyarət edən vəkil Fəxrəddin Mehdiyev bildirib.
"Bəxtiyarın vəziyyəti çox ağır olaraq qalır. Bu gün qan təzyiqi 85/55-ə düşüb. Çəkisi 63,7 kiloqramdır (təcridxanaya daxil olanda çəkisi 84,5 kiloqram olub). Yuxusuzluqdan, baş gicəllənməsindən əziyyət çəkir", - vəkil deyib.
Vəkilin sözlərinə görə, Bəxtiyar Hacıyev mülki xəstəxanaya köçürülməsini istəyir. Mülki xəstəxanaya köçürülməsilə bağlı digər vəkili Şəhla Hümbətovanın vasitəsilə Penitensiar Xidmətə ərizə göndərib. Lakin müsbət cavab yoxdur.
Bundan əlavə, Bəxtiyar venadaxili infuziyanı professor Adil Qeybullanın etməsinə razılıq verib, lakin bundan sonra professoru Bəxtiyarın yanına buraxmırlar.
Fəalın saxlanma şəraiti çox pisdir, davamlı psixoloji təzyiq altındadır. Saxlandığı otaq dar, havalandırma və işıqlandırması yoxdur. Nəzarətçi daim yanındadır və hərəkət etmək mümkün deyil. Onlar vəziyyəti daha da ağırlaşdırıblar, Fəxrəddin Mehdiyev deyib.
Bununla bağlı Penitensiar Xidmətdən şərh almaq mümkün olmayıb.
* Dekabrın 9-da Bəxtiyar Hacıyev xuliqanlıq və məhkəməyə hörmətsizlik ittihamı ilə saxlanılıb. Həmin gün Xətai Rayon Məhkəməsi onu 1 ay 20 gün həbs edib.
Dekabrın 15-də Hacıyev həbsdən azad olunması tələbilə aclıq elan edib. İctimaiyyət nümayəndələrinin və ailə üzvlərinin təkidli çağırışlarından sonra dekabrın 28-də axşam aclığı dayandırıb. Lakin Apellyasiya Məhkəməsi onun həbsilə bağlı şikayətini növbəti dəfə təmin etmədikdən sonra, yanvarın 9-da Bəxtiyar Hacıyev yenidən aclığa başlayıb və indiyədək davam etdirir.
Yanvarın 21-də məhkəmə Bəxtiyar Hacıyevin həbs müddətini daha 1 ay uzadıb. Fevralın 23-də isə Xətai nəhkəməsi həbs müddətini daha 2 ay-aprelin 28-dək uzadıb.
Məhkəmələr məhkəmə istintaqı başlayana qədər həbs qətimkan tədbirinin dəyişdirilərək Bəxtiyar Hacıyevin ev dustaqlığına keçirilməsi və ya girov müqabilində azad edilməsilə bağlı vəkillərin çoxsaylı vəsatətlərini təmin etməyiblər.03B
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz