![Vəkil: C.Cəfərov ittihamı qəti şəkildə rədd edir](https://turan.az/resized/750/500/resize/media/2015/main/040300111542.jpg)
Vəkil: C.Cəfərov ittihamı qəti şəkildə rədd edir
Vəkil Cavad Cavadov bir müddət əvvəl həbs edilən və Milli Təhlükəsizlik Nazirliyinin (MTN) təcridxanasında saxlanılan Ceyhun Cəfərovla görüşüb. Vəkil C.Cavadov bu haqda özünün sosial şəbəkə profilində bildirib.
MTN-də saxlanılan C.Cəfərovla görüşdüyünü deyən C.Cavadov C.Cəfərovun dövlətə xəyanət ittihamını qətiyyətlə rədd etdiyini, hamıya günahsız olmasının çatdırılmasını xahiş etdiyini vurğulayıb.
İlahiyyatçı C.Cəfərov İslam Universitetində dərs deyib. “Space” telekanalında “Gecə söhbətləri” dini verilişində aparıcı olub. 10-larla kitabın tərcüməçiliyini, redaktorluğunu edib. Rəhbəri olduğu “Təkamül” Tərcümə Mərkəzi nəşriyyatı islam dinində ən mükəmməl Quran təfsirlərindən olan “əl-Mizan” tərcümə edilərək nəşr olunub. C.Cəfərov həcc ziyarəti zamanı QMİ tərəfindən zəvvar qruplarına rəhbər olub, ziyarətin təşkili və düzgün yerinə yetirilməsində zəvvarlara yardım edib.
C.Cəfərov bu ilin mart ayında İrandan Bakıya qayıdarkən MTN-ə dəvət edilib, saxlanılıb və ona qarşı dövlətə xəyanət ittihamı irəli sürülüb. Buna qədərsə digər ilahiyyatçı Elşən Mustafaoğlu analoji ittihamla MTN tərəfindən saxlanılıb. -05D-
-
- Cəmiyyət
- 3 Aprel 2015 16:34
-
- İqtisadiyyat
- 3 Aprel 2015 17:30
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz