Alternativ energetikanın perspektivləri

Azərbaycan Energetika NAzirliyi yanında Alternativ və bərpa olunan enerji mənbələri üzrə Dövlət Agentliyi (ABEDA) bərpa olunan enerjinin inkişafı üzrə Strategiya Planı hazırlayıb. Plana əsasən, 2020-ci ilə qədər ölkədə ümumi gücü 2,065 min MVt olan günəş elektrik stansiyaları və ümumi gücü 1512,5 MVt olan külək mühərriki parkları yaradılacaq.

Agentliyin müdir müavini Cəmil Məlikov CİSSOLAR saytına müsahibəsində bildirib ki, artıq bərpa olunan energetika sahəsində layihələrin həyata keçirilməsi üçün baza yaradılıb, "Energetika haqqında", "Elektrik enerjisi haqqında", "Enerji resurslarından istifadə haqqında" və "Elektrik stansiyaları haqqında" qanunlar qüvvədədir.

"Bu zaman milli qanunvericilik formalaşma mərhələsindədir. Bu il yeni qanun layihələrinin qəbul ediləcəyi gözlənilir. İlk növbədə biz "Yaşıl tariflər haqqında" qanun qəbul etməyi planlaşdırırıq. Günəş elektrik stansiyaları üçün onun ölçüsü təxminən 1 kVt/saat üçün 17 dollar nəzərdə tutulur.

Onun sözlərinə görə, Azərbaycanda fəaliyyət göstərən külək elektrik stansiyaları şəbəkəyə elektrik enerjisini təminə 1 kVt/saatı 4,3 dollardan, bioloji və su elektrik stansiyaları 3,9 dollardan verir. Bundan başqa, stansiyalar, o cümlədən günəş stansiyaları birbaşa müqavilələrlə müştərilərə elektrik enerjisini 1 kVt/saatı 5,7 dollardan satmaq imkanına malikdir.

"Azərbaycanda bərpa olunan energetikanın inkişafı daxili bazarda qaz istifadəsini azaltmağa və onun ixrac həcmini artırmağa imkan verəcək. Həmçinin, generasiya edən qurğuların ölkə ərazisində paylanması və onların enerjinin son istehlakçılarının yaxınlığında quraşdırılması sayəsində biz şəbəkələrin müasirləşdirilməsi xərclərini və elektrik enerjisinin nəqli zamanı yaranan itkiləri xeyli azaldacağıq", deyə məmur fikrini tamamlayıb. -17D-