Vəkil Əlabbas Rüstəmov həbs edilib
“Yasovul” firmasının rəhbəri, vəkil Əlabbas Rüstəmov həbs edilib. O, iyunun 28-də saxlanılaraq baş prokuror yanında Korrupsiyaya Qarşı Mübarizə İdarəsinə aparılıb. İyunun 29-da Binəqədi Rayon Məhkəməsi onu üç ay müddətinə həbs edib.
Ə.Rüstəmova qarşı CM-in 312.2-ci maddəsi (rüşvət vermək) ilə cinayət işi qaldırılıb.
“Prestij” MMC-nin rəhbəri İlham Məmmədov Ə.Rüstəmovun əleyhinə ifadə edib. O bildirib ki, Ə.Rüstəmov hansısa vəzifəli şəxsə çatdırmaq üçün ondan 95 min manat istəyib. Eyni zamanda Ə.Rüstəmov İ.Məmmədovun işi üzrə vəkil olub. Sahibkar vergidən yayınmada ittiham olunub.
Doğmalarının sözlərinə görə, bu məbləğ vergi borcunun ödənilməsi üçün nəzərdə tutulub ki, İ.Məmmədova qarşı cinayət işi bağlansın.
Vəkilin yaxınları güman edirlər ki, Ə.Rüstəmova qarşı ifadə almaq üçün İ.Məmmədovdan istifadə edilib.
Qeyd edək ki, vəkil sosial mediada fəal çıxışlar edir, hakimiyyətin ali eşelonunda pozuntular və korrupsiya haqda məlumatlar dərc edir.—06B-
-
- Cəmiyyət
- 30 İyun 2014 13:00
Cəmiyyət
-
Azərbaycan Milli Məclisinin deputatlığına namizəd Namizəd Səfərov Mərkəzi Seçki Komissiyasını (MSK) demokratik seçkilərin keçirilməsinə hazırlaşmamasını tənqid edib. Birinci Nərimanov seçki dairəsindən namizədliyini irəli sürən, Repressiya və İşgəncələrə Qarşı Komitənin koordinatoru olan Səfərov tərəfdarlarından uğurla imza topladıqdan sonra narahatlığını “Turan”a bildirib.
-
Kəlbəcər rayonunda yerləşən hərbi hissələrdən birinin əsgəri Qəhrəmanov Ərşadın intihar etməsi faktı ilə bağlı hərbi prokurorluqda araşdırma aparılır.
-
İyulun 30-da paytaxtda yağıntı gözlənilmir. Cənub-qərb küləyi əsəcək. Havanın temperaturu gündüz +28+32 dərəcə təşkil edəcək. Gündüz rütubət 65-75%-ə çatacaq.
-
Bakının Sabunçu Rayon Polis İdarəsinin 13-cü polis bölməsinin əməkdaşları telefonla dələduzluq edən paytaxt sakini, 1978-ci il təvəllüdlü Sergey Karnauxovu saxlayıb.
Rəy yaz