Vəkil: Faiq Əmirovun səhhəti narahatlıq doğurur

“Azadlıq” qəzetinin həbsdə olan maliyyə direktoru Faiq Əmirlinin səhhəti son günlər pisləşib, bu barədə onun həyat yoldaşı Lalə Əmirli öz facebook səhifəsində yazıb.

“Sonuncu telefon danışığı zamanı o, mədəsində kəskin ağrıların yenidən baş qaldırdığını bildirib”, deyə həyat yoldaşı yazıb.

Vəkil Aqil Layıcov öz növbəsində Turan-a bildirib ki, payızın gəlməsi ilə F.Əmirovun mədə xorası kəskinləşib, dieta və normal müalicə olmaması isə onun vəziyyətini ağırlaşdırıb

“Müvafiq müalicə və qulluğun olmaması Əmirovun xəstəliyini və vəziyyətini ağırlaşdırır”, deyə o qeyd edib.

Vəkil həmçinin bildirib ki, dəfələrlə müraciət olmasına baxmayaraq, istintaq indiyədək Əmirovun avtomobilini qaytarmayıb. Avtomobil guya içərisində ekstremist kitablar tapıldıqdan sonar müsadirə olunub.

Bu iş üzrə sənədlər Avropa İnsan Hüquqları Məhkəməsinə hazırlanır, deyə vəkil qeyd edib.

Xatırladaq ki, AXCP sədrinin köməkçisi və “Azadlıq” qəzetinin maliyyə direktoru Faiq Əmirov avqustun 20-də Fətullah Gülən ideyalarının Azərbaycanda təbiliği haqqında gülünc ittihamla həbs olunub. Amma həbsdən sonra hakimiyyət Güləni yaddan çıxartdı və Əmirovu “Azadlıq” qəzetinin maliyyə mənbələri haqqında dindirməyə başladı. Qəzetin bütün digər əməkdaşları da dindirməyə çağırılır, onlardan hakimiyyətin maliyyələşməsini tamamilə əngəllədiyi halda qəzetin necə mövcud ola bildiyini öyrənməyə çalışırlar. -05B-