Vəkil: Hakim gənci azad etmədi

Bakı/22.09.16/Turan: “Sentyabrın 22-də Azərbaycan Xalq Cəhbəsi Gənclər Komitəsinin üzvü Elvin Abdullayevin cəzasnın qalan hissəsindən azad edilməsilə bağlı şikayətimizə baxıldı”. Bunu “Azadlıq Radiosu”na vəkil Fəxrəddin Mehdiyev bildirib.

Onun sözlərinə görə, Qaradağ rayon məhkəməsi məhkəmə baxışını E.Abdullayevin cəza çəkdiyi 14 saylı Cəzaçəkmə müəssisəndə keçirib və müdafiə tərəfin şikayətini təmin etməyib. Vəkil bu qərardan apellyasiya şikayəti verəcəyini söyləyib.

E.Abdullayev 2015-ci ildə həbs edilib. Ona qarşı Cinayət Məcəlləsinin 234.4.3-cü maddəsilə (nakotik maddələrin satışı) cinayət işi başlayıb. 2015-ci ilin yanvarında Bakı Ağır Cinayətlər Məhkəməsinin hökmü ilə 6 il azadlıqdan məhrum edilir. Məsələyə Ali Məhkəmə instansiyasında baxılanda bu cəza Cinayət Məcəlləsinin 234.1-ci maddəsinə (şəxsi məqsədlə narkotik istifadəsi) tövsif edilir. Cəza müddəti 6 ildən 2,6 aya endirilir. Cəza rejimi dəyişdirildiyi üçün E.Abdullayev 6 saylı cəzaçəkmə müəssisəsindən 14 saylı cəzaçəkmə müəssisəsinə göndərilir.

Vəkil deyir ki, bu maddə ilə cəzanın çox hissəsini çəkən şəxsi vaxtından əvvəl etmək azad etmək mümkündür. Məhkəmə nəzarəti qaydasında  bunu etdik. “2 il 6 aylıq cəzanın yarısı 1il 2 iki ay edir. Bundan sonra məhbus azad oluna bilər. Elvin isə artıq 1 il 8 aydır ki, cəza çəkir. Amma 14 saylı cəzaçəkmə müəssisənin rəhbəri E.Abdullayev barədə mənfi mülahizə verdiyi üçün bundan imtina edilib”. -0-