Bu gün vəkil Şəhla Hümbətova müvəkkili, paytaxtın Binəqədi rayon təcridxanasında saxlanılan bloger Xalid Xanlarovla görüşə buraxılmayıb.
Xanlarov yanvarın 23-də saxlanılsa da, vəkil onunla ancaq dünən görüşə bilib. Görüşdən sonra vəkil məhkəmənin Xanlarovun polisə tabe olmamaq ittihamı ilə 25 gün müddətinə inzibati həbsi haqqında qərarından apellyasiya şikayəti hazırlayıb. Həbsin əsl səbəbi hakimiyyətin ünvanına tənqidi materialların nəşridir.
Bu gün vəkil müvəkkili ilə şikayəti müzakirə etməyə hazırlaşırdı. Lakin Hümbətova iki saat İstintaq Təcridxanasında gözlədilib, buna baxmayaraq Xanlarovla görüşünə icazə verilməyib. İmtinanı “dezinfeksiya” işlərinin aparılması ilə izah ediblər.
Xanlarov “Qafqaz” universitetinin 3-cü kurs tələbəsidir. Bu gün Azərbaycanda 12 jurnalist və bloger cinayət ittihamları ilə cəza çəkir. -05B-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz