Bakı/17.03.17/Turan Martın 17-də vəkil Elçin Sadıqov təcridxanada bloger Mehman Hüseynovla görüşüb.
Onun sözlərinə görə, M.Hüseynovun durumu normaldır və hər kəsi Novruz bayramı münasibətilə təbrik edir. Martın 16-da anası ilə görüşüb, yəni görüşlə bağlı məsələlər yoluna qoyulyb.
Vəkil deyib ki, Suraxanı Rayon Məhkəməsinin M.Hüseynovun barəsində azadlıqdan məhrumetmə ilə bağlı çıxardığı qərarı hakimin iradəsi saymır və buna görə də həmin qərara etiraz olaraq onun üzərində domino oynayır.
E.Sadıqov bildirib ki, M.Hüseynovla bağlı Suraxanı Rayon Məhkəməsinin qərarından verilən şikayətə Bakı Apellyasiya Məhkəməsində aprelin əvvəlində baxılması gözlənilir.
M.Hüseynov bu il martın 3-də Suraxanı Rayon Məhkəməsinin qərarı ilə 2 il müddətinə azadlıqdan məhrum edilib.
Buna qədərsə 2017-ci il yanvarın 9-da axşam saatlarında M.Hüseynov naməlum şəxslər tərəfindən oğurlanıb və onun harada saxlanması 16 saata qədər məlum olmayıb. Yalnız yanvarın 10-da Nəsimi Rayon Məhkəməsinə çıxarılarkən məlum olub ki, bu müddətdə bloger Nəsimi rayon 22 saylı polis bölməsində saxlanılıb. Nəsimi Rayon Məhkəməsi blogeri 200 manat cərimə edərək sərbəst buraxıb. Bundan sonra jurnalistlər qarşısına çıxan M.Hüseynov bölmədə saxlandığı müddətdə işgəncələrə məruz qalması haqda açqılama verib.
Nəsimi Rayon Polis İdarəsinin rəisi Musa Musayev bunu polisə böhtan kimi dəyərləndirərək xüsusi ittiham qaydasında blogerə qarşı iddia qaldırıb və həmin iddia nəticəsində M.Hüseynov 2 il azadlıqdan məhrum edilib. –0--
-
- Cəmiyyət
- 17 Mart 2017 13:39
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz