Ilahiyyatçı alim Abgül Süleymanov karserə salınıb. Onu Qobustan həbsxanasına köçürmək istəyirlər. Bu barədə vəkil Cavad Cavadov özünün Facebook şəhifəsində yazıb.
“Dünən 12 saylı cəzaçəkmə müəssisəsində hacı Taleh Bağırovla, 13 saylı cəzaçəkmə müəssisəsində hacı Abgül Süleymanovla görüşdüm. Taleh Bağırov karserdən çıxarılıb və ümumi əsaslarla saxlanılır (sadəcə ayrı nəzarət altında). Onun telefon və yaxınları ilə görüş məsələsində problem olmamalıdır. Ümid edirik ki, ona qarşı intizam tədbirləri bundan sonra olmayacaq.
Abgül Süleymanov karserdə saxlanılır, Abgül Süleymanovun bu yaxınlarda Qobustan həbsxanasına köçürülməsi barədə təqdimatın məhkəməyə göndərilməsi gözlənilir ”, - C.Cavadov yazıb.
Qeyd edək ki, həbsdə olan digər ilahiyyatçı alimlər AİP lideri Mövsüm Səmədov və ilahiyyatçılar Taleh Bağırov, Abgül Süleymanov bir neçə dəfə karserə salınıblar. Ölkə ictimaiyyəti və inanclı kəsim ruhanilərlə bağlı baş verənləri sırf siyasi sifariş hesab edirlər.
Abgül Süleymanov 2011-ci ilin avqustunda həbs olunub. O, milli, irqi, sosial və ya dini nifrət və düşmənçiliyin salınması, ictimai qaydanın pozulmasına səbəb olan hərəkətləri təşkil etmə və ya bu cür hərəkətlərdə fəal iştirak etmə, narkotik maddə saxlama, satmaq və odlu silah saxlamada təqsirli bilinərək Bakı Ağır Cinayətlər Məhkəməsinin 2012-ci ilin avqustunda çıxardığı hökmlə 11 il müddətinə həbs edilib.
T. Bağırov martın 31-də qanunsuz narkotik maddə saxlamaq ittihamı ilə həbs edilib. Məhkəmə onu 2 il azadlıqdan məhrum edib.—16B06-
Cəmiyyət
-
Abşeron rayonundakı müəssisələrdən birində baş verən insident nəticəsində bir Hindistan vətəndaşı ölüb, digəri xəsarət alıb. Bu barədə yanvarın 13-də Azərbaycan Baş Prokurorluğu məlumat yayıb.
-
Yeni nəqliyyat proqramı çərçivəsində paytaxtın ekoloji cəhətdən təmiz, sürətli və birləşdirici ictimai nəqliyyat sistemi olaraq metropolitenin daha geniş əhatə dairəsinə malik olması hədəflənib.
-
Çərşənbə axşamı Bakıda hava şəraiti dəyişkən buludlu olacaq. Gündüz bəzi yerlərdə çiskinli olacağı ehtimalı var. Gecə və səhər bəzi yerlərdə duman olacaq. Şimal-qərb küləyi gündüz bəzi yerlərdə arabir güclənəcək. Havanın temperaturu gecə 2-6 dərəcə isti, gündüz 7-9 dərəcə isti olacaq. Nisbi rütubət 70-80% təşkil edəcək.
-
Azərbaycan Respublikasının Ekologiya və Təbii Sərvətlər Nazirliyinin Milli Hidrometeorologiya Xidməti yanvarın 13-nə olan hava proqnozunu açıqlayıb. Ölkə üzrə mülayim hava şəraiti gözlənilir.
Rəy yaz