“Avqustun 12-də Beynəlxalq Bankın İdarə Heyətinin keçmiş sədri Cahangir Hacıyevlə təcridxananda görüşəcəm. İki gün əvvəl onunla görüşmüşəm, səhhəti normal idi”, - vəkil Aqil Layıcov Turan-a bildirib.
Bakının Nərimanov Rayon Məhkəməsinin qərarı ilə 2015-ci il dekabrın 5-də Azərbaycan Beynəlxalq Bankının İdarə Heyətinin keçmiş sədri Cahangir Hacıyevin barəsində həbs qətimkan tədbiri seçilib. O, Cinayət Məcəlləsinin 179-cu (mənimsəmə) və 308-ci (vəzifə səlahiyyətlərindən sui-istifadə etmə) maddələri ilə ittiham olunur.
Avqustun 15-də Bakı Ağır Cinayətlər Məhkməsində C.Hacıyevin cinayət işi üzrə hazırlıq iclası başlayacaq.
Vəkil bildirib ki, bu gün görüş zamanı C.Hacıyevlə məhkəmədə necə hərəkət edəcəklərinin strategiyasını müzakirə edəcək.
“Amma ittihamlarla bağlı dəfələrlə demişik. Mülki münasibətlər, kredit münasibətləri qəti olaraq cinayət ittihamı müstəvisində həll olunan məsələ deyil. Bu, birmənalı şəkildə belədir. Bizim fundamental sorğumuz bundan ibarətdir”, - o qeyd edib.
Vəkil C.Hacıyevin həyat yoldaşı Zamirə Hacıyeva ilə bağlı elan edilmiş axtarışın dayandırılması barədə mediada dərc olunan xəbərlərə də münasibət bildirib.
Bir sıra KİV-lərdə Z.Hacıyevanın barəsində həbs qətimkan tədbiri seçilərək axtarış elan edilməsi haqda Nərimanov Rayon Məhkəməsinin iyunun 1-də qəbul etdiyi qərar dərc olunub. Onun həbsi barədə təqdimatı baş prokurorun birinci müavini Rüstəm Usubovun verdiyi bildirilir.
KİV-lər yazır ki, Z.Hacıyeva korrupsiyada - Beynəlxalq Bankdan sənəd təqdim etmədən kredit kartı götürməkdə və həmin kartdan müxtəlif post-terminallar və İnternet ödənişlər vasitəsilə ümumilikdə 18 milyon dollar pul çıxarmaqda ittiham olunub.
“Zamirə Hacıyevanın barəsində axtarışın dayandırılması barədə əlimizdə hər hansı sənəd yoxdur. Ona görə də bu barədə bir söz deyə bilmərəm. Bu, hər hansı bir şəxsin təxəyyülünün məhsulu da ola bilər”, - A.Layıcov deyib.
Vəkilin sözlərinə görə, Nərimanov Rayon Məhkəməsinin Z.Hacıyeva ilə bağlı qərarı tamamilə gizli şəraitdə qəbul edilib.
“Məhkəmənin keçirilməsi və qəbul edilmiş qərarla bağlı Z.Hacıyevaya və onun vəkilinə, qohumlarına xəbər verilməyib. Z.Hacıyevanın vəkili olduğu halda, özləri vəkil seçib. Seçdikləri vəkil adi primitiv qaydada apellyasiya şikayəti də verməyib. Bizim məhkəmənin qərarından iyunun 17-də mediada məlumat dərc ediləndən sonra xəbərimiz olub. Apellyasiya şikayəti vermişik. Apellyasiya şikayəti verilməsi üçün müddətin bərpa olunması ilə bağlı proses oldu və müddət bərpa olunmadı. Biz bundan da apellyasiya şikayəti verəcəyik. Apellyasiya baxışından sonra Avropa İnsan Haqları Məhkəməsinə şikayət edəcəyimizi düşünürük. Çünki gizli məhkəmə, yersiz qadağalar, vəsatətələrimizin təmin edilməməsi fundamental hüquq pozuntusudur”, - o qeyd edib.
Vəkil Z. Hacıyevanın məhkəməyə gəlmək istəyi ilə bağlı sualın cavabında deyib ki, Z.Hacıyeva məhkəməyə gəlmək istəyində deyil.
“Çünki ona qarşı qərəzin olması əsas verir ki, Azərbaycana gəlməsin. Onu məhkəmədə vəkil təmsil edir”, - A.Layıcov bildirib. -03B-
Cəmiyyət
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
Rəy yaz