Vəkillər məhkəmə heyətinə etiraz etdi
Bakı/10.04.17/Turan: Aprelin 10-da Bakı Apellyasiya Məhkəməsində həbsdə olan bloger Mehman Hüseynovun şikayətinə baxılır.
Məhkəmə heyəti onun şəxsiyyətilə bağlı qeydləri apardıqda M. Hüseynov şəxsiyyət vəsiqəsi bir neçə il öncə əlindən alındığı üçün şəxsiyyətinin müəyyən edilməsini istəyib. Amma hakimlər buna fikir verməyiblər.
M.Hüseynovun vəkili Fuad Ağayev M.Hüseynovun həbsini hərtərəfli xarakterizə edərək bu həbsi əsassız sayıb. Hətta belə əsassız həbsin ədalətsiz Azərbaycan məhkəmə sistemində də analoqunun olmadığını söyləyib: “M.Hüseynov sosial şəbəkələrdə yüz minlərlə izləyicisi olan bir şəxsdir, əgər Suraxanı Rayon Məhkəməsi belə bir şəxsi bu şəkildə əsassız olaraq həbs edirsə, görün, sıravi şəxslər necə həbs edilirlər”, - F.Ağayev bildirib.
Vəkil ittihamçı tərəfin M.Hüseynovun saxlanması, polis maşınında aparılması, polisdə saxlanması barədə video-görüntülərin məhkəməyə təqdim edilməsi barədə vəsatətlər qaldırıb, ittihamçı tərəfin məhkəməyə gətirilməsini tələb edib: “M.Hüseynovun barəsində məhkəməyə mənbəyi bəlli olmayan kserosurətlər təqdim edilib ki, bunlar sübut sayıla bilməz, odur ki, M.Hüseynovun barəsində məhkəmənin qismən istintaqla aparlımasını, cinayət işinin ləğv olunmasını və M.Hüseynova bəraət tələb edirik”.
İttihamçı tərəfin nümayəndəsi Əlirza Əbilov müdafiə tərəfin vəsatətlərinə etiraz edib və məhkəmə heyəti də müdafiə tərəfin vəsatətlərini qəbul etməyib. Buna cavab olaraq vəkillər məhkəmə heyətindən imtina ərizəsi yazıblar. Bununla bağlı məhkəmə prosesində fasilə yaranıb.
Hakim fotoreportyor Fərqanə Novruzovanı zaldan çıxararaq peşə fəaliyyətini yerinə yetirməyə imkan verməyib, bununla bağlı məhkəmə etiraz barədə sənədi dəyərləndirmək üçün aprelin 11-i saat 16.00-a kimi təxirə salınıb.
Almaniya, Böyük Britaniya, ABŞ, Norveç səfirliklərinin və Avropa İttifaqının nümayəndələri məhkəmə prosesini izləyiblər.
-
- Aktual Reportaj
- 10 Aprel 2017 17:59
-
- Siyasət
- 10 Aprel 2017 18:46
Cəmiyyət
-
Vəkil Aslan İsmayılov, Ali Məhkəmənin və Məhkəmə-Hüquq Şurasının sədri İnam Kərimova ictimai müraciət edərək, ölkənin məhkəmə sistemində təcili islahatlar aparılmasını tələb edib. İsmayılov, məhkəmələrdəki sistematik korrupsiya və prosedur pozuntularının ictimai narazılığı artırdığını və bunun gələcəkdə daha geniş etirazlara səbəb ola biləcəyini xəbərdarlıq edib.
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
-
Fevralın 5-də soyuq, küləkli hava şəraiti gözlənilir, xəbəri sinoptiklər yayıb. Paytaxtda və ölkənin əksər hissəsində gücü saniyədə 20 metrə çatan şimal-qərb küləyi əsəcək.
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
Rəy yaz