Bu gün hüquq müdafiəçisi İntiqam Əliyevin işi üzrə məhkəmə prosesində təqsirləndirilən şəxsin vəkilləri yekun sözlə çıxış ediblər.
Şəhla Hümbətova öz çıxışında İntiqam Əliyevə qarşı bütün ittiham bəndlərinin əsassız olduğunu bildirib.
İttihamın əsası qrantları Ədliyyə Nazirliyində qeydiyyatdan keçirmədən layihələrin həyata keçirilməsindən ibarət idi, bu, “qanunsuz sahibkarlıq” kimi tövsif edilib.
Lakin Əliyev qrantları Ədliyyə Nazirliyinə təqdim edib, nazirlik isə hələ də qeydiyyat haqqında məlumatları təqdim etməyib.
2013-cü ilə qədər Ədliyyə Nazirliyi bu məlumatı öz saytında yerləşdirirdi, amma sonradan onu saytdan yığışdırıb, lakin Hüquq Maarifçiliyi Cəmiyyətinin qrantlarının qeydiyyatı haqqında məlumat yer alan səhifənin “KEŞ-variantı” qalıb.
“Mənimsəmə” haqqında ittiham da əsassızdır, belə ki, bu, “başqasının əmlakının” oğurlanmasını və ya mənimsənməsini nəzərdə tutur. Bu halda söhbət qrantlardan - donorların əmlakından gedir. Lakin donorlar iradları olmadığını bildiriblər və layihələrin həyata keçirilməsindən məmnun olduqları barədə sənədlər təqdim ediblər.
“Mənimsəmə” ittihamı HMC keçmiş mühasibi Gülşən Orucovanın Əliyevin tapşırığı ilə pulu bacısının hesabına köçürdüyü, daha sonra Əliyevə verdiyi barədə dəlilsiz iddialarına əsaslanır. Lakin iş materiallarında Əliyevin imzaları açıq-aşkar saxtalaşdırılıb, məhkəmə isə ekspertiza haqqında vəsatətləri təmin etməyib.
Vəkil Cavad Cavadov qeyd edib ki, 2014-cü ilin avqustunda Əliyev həbs edilərkən onun təqsirinin heç bir sübutu yox idi, belə ki, “mənimsəmə” və “vergi ödənişindən yayınma” ittihamları noyabrda irəli sürülüb.
O, Əliyevin təqibinin hüquq müdafiə fəaliyyəti ilə əlaqədar siyasi motivli olduğunu bildirib.
Vəkil Elçin Sadıqov vergi ödənişindən yayınma ittihamlarının əsassız olduğunu bildirib. Belə ki, həmin vaxt qrantlara ƏDV tətbiq edilmirdi.
Vəkil Fəxrəddin Mehdiyev Əliyevi ziyalı və beynəlxalq aləmdə tanınmış hüquqşünas adlandırıb və onu “dürüstlük və vicdanlılıq” etalonu kimi səciyyələndirib.
Bütün vəkillər məhkəməni Əliyevə bəraət verməyə çağırblar.
Hakim Rasim Sadıqov Əliyevin özünün yekun çıxışını aprelin 22-nə təyin edib. -06C-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz