Vergilər Nazirliyi səhmdarları eşitmir

“Aznar” QSC-nin səhmdarı Şahin Əlizadə cəmiyyətin Fərhad Əhmədovun səhmdarlara ünvanlanan ittihamlarına cavab verib.

A.Əlizadə qeyd edib ki, bu il iyunun sonlarında səhmdarların toplantısı keçirilib, F.Məmmədov özü də daxil olmaqla, səmdarları çox nəzakətlə qarşılayıb. Cəmiyyətin problemlərinə dair müzakirələr olub. Cəmiyyətə dair hər-hansı problemi həll etmək üçün mətbuata, məhkəməyə çıxmamaq, danışıqlar yolu ilə həll etmək tövsiyəsi verilib. 

Ş.Əlizadə deyib ki, bu danışıqların üzərindən heç bir həftə keçməmiş “Yeni Müsavat”a açıqlamasında F.Məmmədov səhmdarları şantajçı adlandırıb. F.Əhmədov özü göyçaylıdır, odur ki, ona qarşı çıxan bir çox səhmdar Göyçaydan olsa da, göyçaylı saymadığını deyib. Səhmdar F.Əhmədovun cəmiyyətin şəffaf idarə olunması haqda bəyanatını rədd edib. “Grante”nin “Aznar”dan aldığı şirələri ucuz satıb zərərlə işləməsi haqda F.Əhmədovun açıqlaması da əsassız sayılıb. Ş.Əlizadəyə görə bütün bu ittihamlardan F.Əhmədovun məqsədi səhmdarları cəmiyyətdən uzaqlaşdırmaqdır. 

Ş.Əlizadə isə öz növbəsində F.Əhmədovu Nizamnamə kapitalını artırarkən vəsait əvəzinə alınan səhmləri səhmdara təqdim etməməkdə, bazar dəyəri 10 manatdan çox olan səhmləri 2 manatdan mənimsəməkdə, cəmiyyətin istehsalı olan şirələri maya dəyərindən aşağı satdıraraq cəmiyyəti zərərlə işlətməkdə, cəmiyyətin az səhmə malik səhmdarlarını İsmayıllıya göndərməklə cəmiyyətin bütün əmlakını öz adına keçirməkdə ittiham edib. Eyni zamanda, müəlliflər fantastik gəlirlərin ticarət şəbəkəsində saxlanması hadqa “milyarder Fərhad Əhmədovun” dediklərini əsaslı saymır. Belə ki, Rusiyada cəmiyyətin məhsulunu ucuz qiymətə alır, amma F.Əhmədova məxsus “Grante” şirkəti bu məhsulu 8 manatdan yuxarı qiymətə satır.

Vergilər Nazirliyi səhmdarların audit yoxlaması təklifinə “səhmdarların özlərinin audit təşkil etməsi” cavabı verib. Gəlirlərin mənimsənildiyini iddia edən səhmdarlar cəmiyyəti məhkəməyə verməyə hazırlaşdıqlarını deyiblər. Səhmdarlara görə, şirkət Rusiyadan da olmasa, digər xarici ölkələrdəki satışdan normal gəlir əldə etməli idi. Vergilər Nazirliyi araşdırma keçirmək istəmədiyi üçün bir qrup səhmdar müstəqil araşdırma keçirəcəyini, nəticənin KİV-də elan ediləcəyini və Vergilər Nazirliyinə təqdim olunacağını bildiriblər. -05C-