Vətəndaş Cəmiyyətini Müdafiə Komitəsi Bakı aeroportunda yazıçı Əkrəm Əylislinin saxlanılmasını pisləyir və sərhəd xidmətinin və polisin bu əməllərini vətəndaşların hərəkət azadlığına qəsd kimi qiymətləndirir. Bu barədə Komitənin Turan agentliyinə daxil olmuş bəyanatında bildirilir.
Bundan əvvəl Əkrəm Əylisliyə xaricə çıxışının qadağan edildiyi barədə məlumat verilməyib və ona qarşı qanunvericiliklə hərəkət məhdudiyyəti tətbiq edilməyib. DİN-in Əylislinin sərhəd xidmətinin əməkdaşları ilə “münaqişə yaratdığına” görə saxlanıldığı ciddi şübhələr doğurur.
Bununla əlaqədar VCMK Əylislinin sərhəd xidməti ilə əlaqəsi və polisə aparılması anının aeroportun xarici müşahidə kameraları tərəfindən lentə alınmış görüntülərini dərc etməyə çağırır.
VCMK hakimiyyəti Əylislini dərhal azad etməyə və onun martın 30-da səhər getmək istədiyi Venesiyada keçirilən Incroci Di Civilta Beynəlxalq Ədəbiyyat Festivalında (30 mart – 1 aprel) iştirakı üçün şərait yaratmağa çağırır. -16D-
Cəmiyyət
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
-
Çərşənbə günü paytaxtda gecə və səhər yağış yağacağı gözlənilir. Şimal-şərq küləyi günün ikinci yarısında cənub-şərq küləyi ilə əvəz olunacaq.
-
Builki COP29 iqlim konfransının aktiv səhnələri arasında özünü FINS Təşəbbüsü adlandıran bir qrup tərəfindən təşkil edilən balina ovu və dənizin dərinliklərindən faydalı qazıntıların hasilatına qarşı etiraz nümayəndələrin və müşahidəçilərin diqqətini cəlb edib. Lakin qrupun legitimliyi ilə bağlı suallar yaranır, çünki İnternetdə axtarış onun mövcudluğuna dair dağınıq qeydlərdən başqa çox az dəlil verir.
-
Son iki gündə Tik-tok-da bakılıların dənizkənarı bulvarda gördükləri balina haqqında "xəbər" yayılıb. Ən çox "müşahidə edənlər" video göstərərək heyvanın ölçüsünü şərh ediblər. Sonra digər "şahidlər" bunun balina yox, köpək balığı olduğunu bildiriblər. Daha sonra sualtı qayıq haqqında versiya ortaya çıxıb.
Rəy yaz