![Dünya Bankının Müşahidə Şurası Azərbaycana $140 mln krediti təsdiq edib](https://turan.az/resized/./turan-750-500-resize.webp)
Dünya Bankının Müşahidə Şurası Azərbaycana $140 mln krediti təsdiq edib
Martın 28-də Dünya Bankının Direktorlar Şurası Azərbaycan hökumətinə Bakı-Şamaxı yolunun tikintisinin əlavə maliyyələşməsi üçün 140 milyon ABŞ dolları məbləğində kredit ayrılmasını təsdiq edib.
Layihə avtoyolun 99 kilometrlik hissəsinin iki zolaqdan dörd zolağadək genişləndirilməsini nəzərdə tutur.
DB-nin press-relizində bildirilir ki, vəsait tikinti işinin başa çatdırılması və yeni formalaşdırılan magistral yol idarəçiliyi və istismarı proqramının gücləndirilməsi üçün ayrılıb.
2011-ci ildə DB Bakı-Şamaxı yolunun 110 kilometrlik hissəsinin genişləndirilməsi üçün 241,6 milyon dollar həcmində kredit ayırıb. İşlər 3 ilə başa çatdırılmalı idi. Amma bu gündə də davam edir və nə vaxt başa çatacağı bilinmir.
Bakı-Şamaxı yolunun iki mövcud zolağının yenidən qurulması 2008-2012-ci illərdə həyata keçirilib. İşlərin bu mərhələsinin layihə qiyməti $356,15 mln qiymətləndirilib. Bunun $50 mln-u Azərbaycan hökuməti ayırmalıdır. İşin nə qədər real başa gəldiyi məlum deyil.
Qeyd edək ki, hazırda əvvəllər yenidən qurulan yolun əsas hissəsi təkrar təmir edilir. İlk iki zolağı Akkord və Azərinşaatservis şirkətləri yenidən qurub.
Tikinti işlərinin podratçısı Türkiyənin Pilat Yol Yapi A.S şirkətidir. 08D
-
- Cəmiyyət
- 30 Mart 2016 14:53
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz