Sabirabad rayon çərşənbə günü keçirdiyi məhkəmə prosesində vətəndaş cəmiyyəti fəalı İlham Əmiraslanovu iki il müddətinə azadlıqdan məhrumetmə cəzası çıxarıb.
Müdafiə tərəfinin təklif etdiyi şahidlər dindirilməyib, məhkəmə araşdırma işi aparmayıb, İ.Əmiraslanovun həbsilə bağlı videogörüntülər nəzərə alınmayıb.
Məhkəmə birtərəfli qaydada keçərək ittiham tərəfinin maraqlarının ifadə edib.
Dövlət ittihamçısı İ.Əmiraslanovun 2 il 6 ay müddətinə azadlıqdan məhrum edilməsini tələb etsə də, məhkəmə 2 il azadlıqdan məhrumetmə qərarı çıxarıb.
İ.Əmiraslanov “Kür” Vətəndaş Cəmiyyəti Qərargahının fəallarından olub. 2010-cu ilin mayında sel daşqınlarından əziyyət çəkən vətəndaşların hüquqlarının müdafiəsində fəal rol oynayıb. Sel daşqınlarından əziyyət çəkən insanlar üçün ayrılan vəsaitlərin məmurlar tərəfindən mənimsənilməsi faktlarını aşkarlamaq sahəsində prinsipial mövqe tutub.
Bu il iyunun 6-da fövqəladə hallar naziri Kəmaləddin Heydərovun sel daşqınlarının nəticələrinin aradan qaldırılması ilə bağlı Sabirabadda keçirdiyi tədbirə qatılıb. Bu hadisədən iki gün sonra həbsə alınıb. Ona qarşı Cinayət Məcəlləsinin 221.1-ci (qanunsuz silah saxlamaq) maddəsilə cinayət işi başlanıb. -05B-
Cəmiyyət
-
Vəkil Aslan İsmayılov, Ali Məhkəmənin və Məhkəmə-Hüquq Şurasının sədri İnam Kərimova ictimai müraciət edərək, ölkənin məhkəmə sistemində təcili islahatlar aparılmasını tələb edib. İsmayılov, məhkəmələrdəki sistematik korrupsiya və prosedur pozuntularının ictimai narazılığı artırdığını və bunun gələcəkdə daha geniş etirazlara səbəb ola biləcəyini xəbərdarlıq edib.
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
-
Fevralın 5-də soyuq, küləkli hava şəraiti gözlənilir, xəbəri sinoptiklər yayıb. Paytaxtda və ölkənin əksər hissəsində gücü saniyədə 20 metrə çatan şimal-qərb küləyi əsəcək.
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
Rəy yaz