Aprelin 13-də bir qrup vətəndaş fəalı AXCP sədri Əli Kərimlini müdafiə məqsədi ilə onu yaşadığı evdə ziyarət edib.
Son bir neçə gün dalbadal bir qrup gənc AXCP sədri Əli Kərimlinin evinin qarşısına gələrək etiraz aksiyası keçirir. Aksiyaçılar müxalifət liderini Qarabağ cəbhəsində baş verən hadisələrdə Azərbaycanın dövlət siyasətinə qarşı çıxmaqda günahlandırır, ermənipərəst siyasət yürütdüyünü deyir. Etirazçılar hətta Kərimlinin ölkəni tərk etməsini tələb edən şüarlar da səsləndirir. Halbuki, AXCP sədrinin ümümvətəndaşlıq pasportu 10 il öncə hüquq- mühafizə orqanları tərəfindən alınıb, çoxsaylı tələblərinə baxmayaraq, hələ də geri qaytarılmayıb.
Bu gün AXCP sədrinin evində onu ziyarət edən “Hüquq Maarifçiliyi” Cəmiyyətinin rəhbəri İntiqam Əliyev Kərimliyə qarşı keçirilən aksiyanın söz və fikir azadlığına qarşı yönəldiyini bildirib.
“Ölkədə hər bir şəxsin tənqidi fikir söyləmək hüququ yerli qanunvericilik və hökumətin insan hüquq və azadlıqları ilə bağlı götürdüyü beynəlxalq öhdəliklərdə təsbit olunub”, - o qeyd edib.
Digər hüquq müdafiəçiləri müxalifət liderinə qarşı yönəlmiş aksiyaların diqqəti Qarabağ cəbhəsi ilə bağlı yayılan yalan məlumatlardan və Rusiya ilə aparılan danışıqlardan yayındırmağa yönəldiyini bildirib. Hüquq müdafiəçiləri Kərimlinin evinin qarşısına gətirilən gənclərin aldadıldığını deyiblər.
“Həmin gənclərdən bir neçəsi onların Dağlıq Qarabağla bağlı aksiya keçiriləcəyi adı ilə aldadıldığını etiraf edib”, - Rövşən Hacıyev qeyd edib.
Vətəndaş cəmiyyəti fəalları hesab edirlər ki, hökumət böhranı idarə edə bilmir, ölkədə ictimai tənqidlərin olacağına rəğmən tənqidi səsləri boğmaq üçün qabaqlayıcı tədbir kimi müxalifət liderinin evinin qarşısını seçib.
“Bu aksiyalar da vəziyyətdən çıxış deyil. Hökumət islahatlara start verməlidir”, - Mehman Əliyev qeyd edib.
AXCP sədri Əli Kərimli bildirib ki, aksiyaların təşkilində məqsəd diqqəti hökumətin tənqidindən yayındırmaq və Panamada ofşor hesabları ilə bağlı tənqidi fikirləri qabaqlamaqdır.
“Ancaq iqtidar yanılır, bu hesabatlarda əks olunanlar xalqa izah ediləcək”.
Ə.Kərimli həmçinin Dağlıq Qarabağ münaqişəsi ətrafında hökumətin Rusiya ilə gizli danışıqlarından şübhələnir.
“Hökumət Rusiyanın yenidən Azərbaycana qayıtmasını dəstəkləsə qarşısında bizi və ictimaiyyəti görəcək”, - o qeyd edib. -03C-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz