Vətəndaş cəmiyyəti fəalları prezident Əliyevi Cəfərlinin işini şəxsi nəzarətinə götürməyə çağırıblar
Azərbaycan vətəndaş cəmiyyətinin bir qrup fəalı prezident İlham Əliyevə REAL hərəkatının icraçı katibi Natiq Cəfərlinin işini şəxsi nəzarətinə götürmək xahişi ilə müraciət göndərib.
Son dövrlər vətəndaş cəmiyyəti fəallarına qarşı irəli sürülmüş bu cür ittihamların ləğvi dövlət və vətəndaş cəmiyyəti arasında normal dialoqu bərpa etmək imkanı haqqında ümid yaradıb. Amma indi Natiq Cəfərlinin analoji ittihamla istintaqa cəlb edilməsi və həbsi bizdə ciddi narahatlıq doğurur, deyə müraciət müəllifləri qeyd edir.
Müraciətdə deyilir ki, Natiq Cəfərov ölkənin məşhur iqtisadçılarından biridir, o, müntəzəm olaraq KİV vasitəsilə hökumətə ölkədə mövcud iqtisadi vəziyyətin yaxşılaşdırılması üzrə praktik təkliflərlə çıxış edib. Onun praktik tövsiyələri vətənə sevgidən və onun inkişaf etməsi arzusundan irəli gəlirdi.
Natiq Cəfərli avqustun 12-də saxlanılıb və Nəsimi rayon məhkəməsinin qərarı ilə CM-in 192.1-ci (qanunsuz sahibkarlıq) və 308.2-ci (vəzifə səlahiyyətlərindən sui-istifadə) maddələrində nəzərdə tutulmuş əməlləri törətməkdə şübhəli bilinən şəxs qismində 4 ay müddətinə azadlıqdan məhrum edilib.
Müraciəti Arzu Abdullayeva, Səadət Bənənyarlı, Novella Cəfəroğlu, Mehman Əliyev, Samir Əliyev, Zərdüşt Əlizadə, Əvəz Həsənov, Qubad İbadoğlu, Aslan İsmayılov, Şəhla İsmayılova, Ələsgər Məmmədli, Mirvari Qəhrəmanlı, Səidə Qocamanlı, Toğrul Cuvarlı imzalayıblar. -0-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz