Avropa İttifaqının "Şərq tərəfdaşlığı" proqramının Vətəndaş Cəmiyyəti Forumu milli platforması bir qrup siyasi məhbusun, o cümlədən bu qurumun üzvləri İntiqam Əliyev, Anar Məmmədli və Rəsul Cəfərovun azad edilməsini alqışlayır. Bu barədə bu gün Milli Platformanın iclasında bildirilib.
Milli Platformanın koordinatoru Əvəz Həsənov qeyd edib ki, ölkədə hələ də bir çox vətəndaş cəmiyyəti institutlarının fəaliyyəti üçün maneələr var. Onların əksəriyyəti işləmir.
Öz növbəsində, QHT-lərə Dövlət Dəstəyi Şurasının üzvü Əliməmməd Nuriyev bildirib ki, bir sıra QHT rəhbərlərinə qarşı cinayət işlərinə xitam verilib, onların ölkəni tərk etmələrinə qoyulmuş qadağalar aradan qaldırılıb. Bundan başqa, bu QHT-lərin və fəalların bank hesablarının açılması haqqında prinsipial qərar qəbul olunub, yaxın günlərdə məhkəmələr bunu təsdiq edəcəklər, deyən Nuriyev məlumatın mənbəyini açıqlamayıb.
O, həmçinin hüquq müdafiəçisi Oqtay Güalıyevin ölkədən çıxışına qoyulmuş qadağanın aradan qaldırılması və onun oğullarının cinayət təqibinə son qoyulması üzrə tədbirlər görülməsi haqqında məlumat verib.
Bundan başqa, bir sıra beynəlxalq donor QHT-lərə Dövlət Dəstəyi Şurası ilə Azərbaycan QHT-lərinə qrantlar verilməsi haqqında memorandumlar imzalayıblar.
Bu, QHT-lərə qrant verilməsi prosedurlarını asanlaşdıracaq. Bu zaman, Nuriyevin sözlərinə görə, Şura donorların və benefisiarların münasibətlərinə müdaxilə etməyəcək.
Bir sıra donorlar isə birbaşa Azərbaycanda qeydiyyat almaq niyyətindədir.
Daha sonra Nuriyev digər fəalların - İlqar Məmmədovun və AXCP üzvü Asif Yusiflinin azad edilməsi üzrə işlərin davam etdirildiyini bildirib. Bu zaman o, qarşıda İlqar Məmmədovun işi üzrə təkrar məhkəmə prosesinin olduğunu bildirib.
İclasda Vətəndaş Cəmiyyəti Forumunun noyabrın 28-30-da Brüsseldə keçiriləcək 8-ci assambleyanda iştirak üçün ərizə qəbulunun başladığı elan edilib. Ərizələri həm Milli Platformanın üzvü olan QHT-lər (59 təşkilat), həm də yeni təşkilatlar verə bilər. Azərbaycanı 25 nümayəndə təmsil edəcək, onların 60%-i yeni iştirakçılar olmalıdır.
İclas iştirakçıları Forumda fəal iştirakın və ümumiyyətlə bu meydandan Azərbaycan cəmiyyətinin maraqları üçün istifadənin əhəmiyyətini qeyd ediblər. Lakin bunun üçün ölkənin özündə vətəndaş cəmiyyəti güclü olmalıdır. –06D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz