Avropa İnsan Hüquqları Konvensiyasının 8-ci maddəsi (Şəxsi həyata və ailə həyatına hörmət hüququ) və 10-cu maddəsinin (Fikri ifadə etmək azadlığı) tələblərinə əməl edilməlidir. Bu iki hüquq arasında ədalət anının gözlənilməsi vacibdir.
Bu tezislər martın 30-da Bakıda Holiday İnn otelində Avropa Şurası və Avropa İttifaqının “Azərbaycanda İfadə Azadlığı və Media Azadlığı” layihəsi çərçivəsində “İfadə azadlığı və şəxsi həyata hörmət” mövzusunda keçirilən təlimin əsas leytmotivi olub.
Təlimdə Avropa Şurası, Avropa İttifaqının Bakı ofislərinin nümayəndələri, beynəlxalq və yerli ekspertlər, jurnalistlər iştirak edib.
“Jurnalistin şəxsi həyatına çağırış və qorxu olmadan məlumat yaya bilməsi qızıl eradan xəbər verir. Jurnalist cəmiyyətin məlumat almaq hüququnun təminatçısıdır. Eyni zamanda, jurnalist insan hüquqlarının müdafiəçisidir. Məhz bu baxımdan Avropa İnsan Hüquqları Konvensiyasının 8 və 10-cu maddələrinə əməl edilməsi əhəmiyyət kəsb edir”, deyə Avropa Şurasının eksperti David Goldberg qeyd edib.
Mətbuat Şurasının sədrinin müavini Müşfiq Ələsgərli deyib ki, bu quruma il ərizndə mediadan 700-dək şikayət daxil olur.
“Şikayətlərin 5 faizi konvensiyanın 8-ci maddəsi (Şəxsi həyata və ailə həyatına hörmət hüququ) ilə, 30-35 faizi işgüzar nüfuzla bağlı olur. Amma işgüzar nüfuzla bağlı şikayətlərdən aydın olur ki, insanların həm də şəxsi həyatı ilə bağlı hüquqları pozulub. Sadəcə insanlar şəxsi və ailə həyatı ilə bağlı hüquqları fərqləndirə bilmir. Bu səbədən maarifləndirilməyə ehtiyac duyulur”, deyə o qeyd edib.
Avropa Şurasının eksperti Azərbyacanda insan hüquqları, xüsusilə media hüquqları sahəsində çətinliklərdən xəbərdar olduğunu deyib.
“Bilirəm ki, siz jurnalistlər çox çətin şərtaitdə fəaliyyət göstərirsiniz. Siz qəhrəmanlarsınız. İctimaiyyətin məlumat almaq hüququnu təmin edirsiniz. Azərbaycanda Novruz bayramı ərəfəsində bir neçə jurnalist azadlığa buraxılıb. Ümid edirəm ki, bütün jurnalistlər həbsdən azadlığa buraxılacaq. Birincisi isə jurnalistlər həbs edilməməlidir”, deyə David Goldberg deyib.
Ekspert diffamasiya ilə şəxsi həyata aid məlumatların fərqləndirilməsini vacib sayır.
“Diffamasiya düzgün olmayan məlumatdır. Amma şəxsi həyata aid məlumatlar düzgün olsa da yayılmamalıdır. Bu məlumatlar yayıla da bilər, ictimai əhəmiyyət kəsb edən bu cür məlumatların yayılması üçün xüsusi prinsiplər olmalıdır”, deyə o qeyd edib.
Sonra jurnalistlər müxtəlif qruplara ayrılaraq verilmiş tapşırıq üzrə təlimlərə cəlb olunub. -03C-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz