Cümə günü RATİ-də ölkənin vətəndaş cəmiyyəti institutlarının təmsilçiləri gənc müsavatçı fəal Nigar Yaqublunun barəsində həbs qətimkan tədbirinin dəyişdirilməsi tələbilə bağlı “dəyirmi masa” keçiriblər.
İqtisadi Araşdırmalar Mərkəzinin rəhbəri Qubad İbadoğlu bu il avqustun 25-də Müsavat Partiyasının üzvü Aydın Acalovun ölümü ilə nəticələnən yol-nəqliyyat hadisəsinin baş verdiyini bildirib. Sentyabrın 10-də Abşeron Rayon Məhkəməsi qəza ilə bağlı partiyanın digər üzvü Nigar Yaqublunun barəsində həbs qətimkan tədbiri seçib. İndiyə kimi yol qəza hadisələrində belə presedent yanaşılmadığı bildirilib. Bu addımın gələcəkdə çox pis təcrübəyə səbəb ola biləcəyi ilə bağlı narahatlıq ifadə olunub.
Hadisə təsadüf üzündən baş verdiyi üçün belə qərar verməyə əsasın olmadığı nəzərə çatdırılıb. Vətəndaş cəmiyyəti təmsilçilərinə N.Yaqublunun sərbəst buraxılması və ya zaminə verilə bilməsi üçün dövlət rəhbərliyinə müraciət hazırlanması təklif olunub. Bu mövqeyi ölkənin tədbirə qatılmayan bir çox vətəndaş cəmiyyəti institutlarının, deputatların bölüşdüyü vurğulanıb.
N.Yaqublunun atası TofiqYaqublu bildirib ki, qızının həbsi ilə bağlı müstəntiq Rafiq Həsənovun əsas kimi göstərdiyi istintaqdan yayınma halı olmayıb. Hadisədən sonra yəni, avqustun 25-dən sentyabrın 4-nə kimi N.Yaqublu xəstəxana şəraitində müalicə alıb. Sentyabrın 4-də müstəntiqin ilk çağırışına gedib. Daha bir çağırış sentyabrın 6-da olub. N.Yaqublu həmin çağırışa da gedib, amma müstəntiq yerində olmadığı üçün ifadə verə bilməyib. Sentyabrın 9-da növbəti çağırışa gedib, daha sonra iş məhkəməyə çıxarılıb. Məhkəmə həbs qərarı verməyib. Buna baxmayaraq, N.Yaqublu evə buraxılmayıb. Sentyabrın 10-da həbs qərarı verilib və o, Kürdəxanı təcridxanasına aparlıb. “Biz istintaqın aparılmasından yox, obyektiv aparılmamasından narahatıq”, -T.Yaqublu vurğulayıb.
Vəkil Adil İsmayıl məhkəmə qərarını xoşagəlməz hal, əsassız adlandırıb. Məsələdə siyasi motiv şübhəsi olduğu deyilib. “Amma Apellyasiya Məhkəməsi həbs qətimkan qərarını dəyişməsə, bu şübhə artıq fakt olacaq”, -vəkil bildirib. Həm də bu yol-nəqliyyat qəzasında istintaqın araşdırmalı olduğu bir çox məqamların olduğu vurğulanıb.
Müzakirələrdən sonra N.Yaqublunun barəsində seçilmiş həbs qərarının ləğv olunması məqsədilə vətəndaş cəmiyyəti təmsilçiləri dövlət rəhbərliyinə müraciət hazırlamaq barədə qərar qəbul ediblər. Müraciətin mətninin mətbuata təqdim olunması nəzərdə tutulur.
“Dəyirmi masa”nın gedişində Apellyasiya Məhkəməsinin sentyabrın 14-nə təyin olunması haqda məlumat verilib. -05C-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz