![Vətəndaşlara saxta onlayn resurslar vasitəsilə pul oğurlayan kiberdələduzlar barədə xəbərdarlıq edilib](https://turan.az/resized/news/2023/uMuPSygGD7Qa4g4TWdM5RuvLVJR2ptEOmQKI0kj2-750-500-resize.webp)
Vətəndaşlara saxta onlayn resurslar vasitəsilə pul oğurlayan kiberdələduzlar barədə xəbərdarlıq edilib
Xüsusi Rabitə və İnformasiya Təhlükəsizliyi Dövlət Xidməti vətəndaşlara 4 saytla bağlı xəbərdarlıq edib.
Xüsusi Rabitə və İnformasiya Təhlükəsizliyi Dövlət Xidmətinin Kompüter İnsidentlərinə Qarşı Mübarizə Mərkəzi dövlət qurumlarının adından fəaliyyət göstərən kiberdələduzlar barədə vətəndaşlara xəbərdarlıq edib.
Qurumun məlumatında deyilir ki, kiberdələduzlar kommunal xidmətlərin və ya cərimələrin ödənişi zamanı endirimlər və bonuslar vəd edirlər. Bundan ötrü saxta saytlardan istifadə olunur - hxxps://asanodeme.info/kommunal, hxxps://asan-cerime.net, hxxps://asan-cerime.biz və hxxp://asan-cerime.com.
"Bu saytlar sosial şəbəkələrdə fəal şəkildə reklam olunub. Bu bağlantılara daxil olduqda istifadəçilər saxta ödənişli xidmətlərə yönləndirilib və burada da vətəndaşların vəsaitləri bank kartlarındakı məlumatların ələ keçirilməsilə oğurlanıb", - məlumatda deyilir.
Mərkəz vətəndaşları ayıq olmağa, alınan məlumatları dəqiqləşdirməyə və yalnız dövlət qurumlarının rəsmi səhifələrinə etibar etməyə çağırıb.
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz