Bakı/18.0717/Turan: "Vikipediya" dünya virtual ensiklopediyasının 30 təcrübəli və işə yeni başlayan müəllifi yay "vikidüşərgəsi"ndə iştirak edəcək. Onlar virtual ensiklopediya üçün məqalə yazılmasına dair yeni texnologiyaları işıqlandıracaqlar, Azərbaycan dilində "Viki"nin genişləndirilməsi planlarını müzakirə edəcəklər, dərc edilmiş məqalələri təkmilləşdirəcəklər və 150 yeni yazı hazırlayacaqlar.
Virtual ensiklopediyada məqalə müəllifi, yay düşərgəsinin təşkilatçılarından biri Namiq Man-Taş Turan-a bildirib ki, tədbir avqustun 12-13-də Qax rayonunun İlisu kəndində istirahət mərkəzlərindən birində olacaq.
30 iştirakçıdan 10-nun yeni olacağı ehtimal edilir.
Yay düşərgəsini "Azərbaycan vikipediyaçıları" istifadəçiləri qrupu təşkil edib və təşkilatçıların xərclərini tam ödəyən (nəqliyyat, ikiotaqlı kotteclərdə qalma, yemək) Vikipediya Fondu tərəfindən dəstəklənib.
Yay düşərgəsində iştirak etmək istəyənlər Azərbaycan dilində Vikipediyada yerləşdirilən xüsusi formanı doldura bilər.-0-
Cəmiyyət
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
-
Yanvarın 31-də saat 12 radələrində Ağcabədi rayonunun Hindarx qəsəbəsində yerləşən evlərdən birində 5 nəfərin ölməsi, 2 nəfərin yaralanması ilə nəticələnən partlayış baş verib. Xəbəri Baş Prokurorluğun mətbuat xidməti yayıb. Faktla bağlı Ağcabədi rayon prokurorluğunda araşdırma aparılır.
-
Şənbə günü Bakıda hava şəraiti dəyişkən buludlu, yağmursuz olacaq. Şimal-şərq küləyi əsəcək. Havanın temperaturu gecə 5-7 dərəcə, gündüz 8-12 dərəcə olacaq. Nisbi rütubət 70-80% təşkil edəcək.
Rəy yaz