Bakı/18.07.17/Turan: Bu gün Masallı Rayon Məhkəməsində Müsavat Partiyası Masallı rayon təşkilatının sədri Xasay Fərzullanın işi üzrə hazırlıq iclası keçirilib. Bu barədə müsavatçının vəkili Nemət Kərimli məlumat verib.
Müdafiə tərəfi hazırlıq iclasında bir sıra vəsatət qaldırıb. Vəsatətlərdən biri təqsirləndirilən şəxsin vəkillərilə bir yerdə oturması barədə olub. Dövlət ittihamçısı "vəkil təqsirləndirilən şəxsin düşüncələrinə təsir edə bilər" deyərək vəsatəti təmin etməyib.
Digər vəsatət məhkəmə iclasının audioyazısının və videoçəkilişinin aparılması ilə bağlı olub. Bu vəsatət də təmin edilməyib.
N.Kərimli məhkəmədə deyib ki, vəsatətlərin təmin edilməməsi X.Fərzullanın keyfiyyətli müdafiə hüququnu pozur.
Növbəti proses avqustun 2-ə təyin olunub.
Xasay Fərzulla Cinayət Məcəlləsinin 263.1.1 maddəsi ilə (ehtiyatsızlıq səbəbindən ağır xəsarət yetirmək) ittiham olunur.
Bu il aprelin 5-də Masallı rayonunun Bədəlan kəndi ərazisində X. Fərzulla öz maşını ilə qəza törədərək qəfil yola çıxan Rauf Tağıyevə xəsarət yetirib. Vəkillərinin bildirdiyinə görə, X. Fərzulla R.Tağıyevi dərhal xəstəxanaya çatdırıb, Bakıda müalicəsi üçün bütün xərclərini ödəyib.
X.Fərzulla istintaq zamanı işin "siyasiləşdirildiyini" deyib.
"Boradigah kənd ərazi nümayəndəsi polisə mənimlə bağlı xasiyyətnamə verib. Orda mənim cəmiyyət həyatında müsbət rolumun olmamasını, Müsavat Partiyası Masallı rayon təşkilatının sədri olmağımı xüsusi vurğulayıb. Bu, işi hüquqi müstəvidən uzaqlaşdırır", -müsavatçı bildirib.
Müxalifətçilər ilk dəfə deyil ki, avtomobil qəzasına görə məhkəməyə çəkilirlər.
Bundan öncə gənc fəal, Müsavat Partiyası başqanının müavini Tofiq Yaqublunun qızı Nigar Yaqubluya ölümlə nəticələnən avtomobil qəzasına görə cinayət işi açılmışdı. Abşeron Rayon Məhkəməsinin hökmü ilə o 2 il 6 ay müddətinə azadlıqdan məhrum edilmişdi.
Prezidentliyə keçmiş namizəd, Milli Şuranın sədri Cəmil Həsənlinin qızı Günel Həsənliyə də avtomobil qəzasına görə cinayət işi açılmışdı. Yasamal Rayon Məhkəməsi onun barəsində 1 il 6 ay müddətinə azadlığının məhdudlaşdırılması ilə bağlı qərar qəbul etmişdi. Hər iki olayla bağlı məhkəmənin sifarişli olduğu, müxalifətçiləri cəzalandırmaq məqsədi daşıdığı bildirilirdi.
Hakimiyyət rəsmiləri isə bu iddiaları qəbul etməyərək onların barəsində hökmlərin qanunun tələblərinə uyğun şəkildə çıxarıldığını bəyan etmişdilər.-0-
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz