Məşhur Azərbaycan jurnalisti, Rusiyanın İTAR-TASS informasiya agentliyinin Azərbaycan nümayəndəliyinin rəhbəri Viktor Şulman uzun sürən ağır xəstəlikdən sonra dünyasını dəyişib.
Viktor 1947-ci ildə Bakıda anadan olub və həmişə vətənpərvər olub.
Tarix üzrə təhsil ala Viktor Şulman taleyini jurnalistikaya bağlayıb və bütün ömrünü bu fəaliyyətə həsr edib. Şirvan şəhərində (keçmiş Əli-Bayramlı) yerli qəzetdə fəaliyyətə başlayıb. Sonradan o, uzun illəd “Azərinform” dövlət teleqraf agentliyində işləyib, 1993-cü ildən isə İTAR-TASS-ın xüsusi müxbiri, sonradan isə bu agentliyin nümayəndəliyinin rəhbəri olub.
Şulman çox vaxt həyatını təhlükəyə ataraq, Qarabağ hadisələrini - döyüş əməliyyatlarını yerində işıqlandıran azsaylı Azərbaycan jurnalistlərindən biri olub.
Hadisələrin şahidi olmaq, yalnız başqalarının şahidliyinə arxalanmamaq Şulmanın peşəkar əqidəsi idi və o, ömrünün son günlərinə qədər bu əqidəsinə sadiq qalıb.
Yüksək jurnalist peşəkarlığından başqa, Şulman vicdanı və təvazökarlığı ilə də fərqlənirdi. Viktor yaxşı həyat yoldaşı, yaxşı ata və baba idi.
2005-ci ildə Şulmana “Azərbaycanın əməkdar jurnalisti” fəxri adı verilib.
Turan agentliyinin kollektivi Viktorun ailəsinə və yaxınlarına dərin başsağlığı verir.
Allah rəhmət eləsin.
Cəmiyyət
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
-
İnnovasiya və sürət lideri “Bakcell” prestij və fərqliliyi sevən müştəriləri üçün xüsusi olaraq 100 seriyalı nömrələrini təqdim edir. Yeni seriya çərçivəsində müştərilər “055 100 XX XX” formatında unikal nömrələr əldə edə biləcəklər.
-
Vəkil Aslan İsmayılov, Ali Məhkəmənin və Məhkəmə-Hüquq Şurasının sədri İnam Kərimova ictimai müraciət edərək, ölkənin məhkəmə sistemində təcili islahatlar aparılmasını tələb edib. İsmayılov, məhkəmələrdəki sistematik korrupsiya və prosedur pozuntularının ictimai narazılığı artırdığını və bunun gələcəkdə daha geniş etirazlara səbəb ola biləcəyini xəbərdarlıq edib.
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
Rəy yaz