Xaçmazda iki qadın göbələkdən zəhərlənərək ölüb
Xaçmaz rayonunda göbələkdən zəhərlənənən iki qadın vəfat edib. Kliniki Tibbi Mərkəzin (KTM) Toksikologiya şöbəsinin müdiri Azər Maqsudov bildirib ki, dünyasını dəyişənlər 46 və 41 yaşında olub.
"Zəhərlənənlər göbələyin ən təhlükəli növü olan "solğun əzvay" göbələyini yığıb yeyib. Bu göbələyi qaynadanda, bişirəndə də zəhəri parçalanmır", deyə Maqsudov qeyd edib.
Hər iki qadın Xaçmazın Seyidli kəndində meşədə göbələk yeyib. Bundan sonra hər iki qadın zəhərlənərək xəstəxanaya yerləşdirilib. Vəziyyətləri ağırlaşdığından Bakıda yerləşən Kliniki Tibbi Mərkəzə göndəriliblər. Zəhərlənənlərdən İlahə Bayramova Bakıya gətirilərkən yolda ölüb. Günel Abdullayeva isə xəstəxanada vəfat edib.
Cəmiyyət
-
Bakının Suraxanı rayonunun Qaraçuxur qəsəbəsi ərazisində yerləşən "General Hospital" Tibb Mərkəzində yol verilən qanunsuzluqlarla bağlı daxil olmuş vətəndaş müraciəti əsasında rayon prokurorluğunda araşdırma aparılıb.
-
Azərbaycanda doğuşa görə ana ölümü iki dəfə artıb. Səbəblər...023-cü ildə Azərbaycanda doğuşa görə ana ölümünün birdən-birə az qala iki dəfə artdığı bildirilir. Dövlət Statistika Komitəsinin "Azərbaycanda uşaqlar" adlı statistik məcmuəsində ötən il 33 ana ölümünün qeydə alındığı vurğulanır. 2022-ci ildə bu göstərici 18 olub. Bu, son 13 ilin ən yüksək göstəricisi sayılır. Eyni zamanda, hər 1000 nəfər diri doğulan uşağa düşən ana ölümünün 14.7-dən 29.3-ə yüksəldiyi vurğulanır.
-
Baş Prokurorluq xaricdə məhsul satışından əldə olunan vəsaiti ölkəyə qaytarmayan kənd təsərrüfatı məhsulları ixracatçılarının növbəti qrupunun cinayət təqibi barədə məlumat yayıb.
-
Oktyabrın 31-də Bakıda və Abşeronda hava dəyişkən olacaq, səhər və axşam bəzi yerlərdə yağış yağa bilər. Şimal-qərb küləyi əsəcək, günün ikinci yarısında cənub-şərq küləyinə keçəcək.
Rəy yaz