6 saylı hüquq məsləhətxanasının vəkili Xalid Bağırov bir illik fasilədən sonra Vəkillə Kollegiyasına yenidən bərpa olunub. Bu barədə Turan-a Bağırov özü bildirib.
2011-ci il avqustun 24-də Vəkillər Kollegiyası Xalid Bağırovun 1 il müddətinə vəkillik fəaliyyətindən uzaqlaşdırılmasına qərar verərkən Bakı Şəhər Baş Polis İdarəsinin rəisi Rafiq Abbasovun şikayətini əsas götürüb. Rafiq Abbasov Xalid Bağırovu polisin adına ləkə gətirən məlumatlar yaymaqda ittiham edib.
Lakin Bağırovun özünün və hüquq müdafiəçilərinin fikrincə, bunun əsl səbəbi vəkilin siyasi və vətəndaş fəallığına görə həbs edilmiş şəxslərin hüquqlarını müdafiə etməsi olub.
"Bununla bağlı bütün məhkəmə instansiyalarının keçmişəm və bu işlə bağlı sənədlər Avropa məhkəməsinə göndərilib", deyə X.Bağırov əlavə edib.
Vəkil həmçinin hazırda “Tolişi sədo” qəzetinin baş redaktoru Hilal Məmmədovla müqavilə bağladığını və onun hüquqlarını müdafiə etdiyini vurğulayıb. -16D-
Cəmiyyət
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
-
İnnovasiya və sürət lideri “Bakcell” prestij və fərqliliyi sevən müştəriləri üçün xüsusi olaraq 100 seriyalı nömrələrini təqdim edir. Yeni seriya çərçivəsində müştərilər “055 100 XX XX” formatında unikal nömrələr əldə edə biləcəklər.
-
Vəkil Aslan İsmayılov, Ali Məhkəmənin və Məhkəmə-Hüquq Şurasının sədri İnam Kərimova ictimai müraciət edərək, ölkənin məhkəmə sistemində təcili islahatlar aparılmasını tələb edib. İsmayılov, məhkəmələrdəki sistematik korrupsiya və prosedur pozuntularının ictimai narazılığı artırdığını və bunun gələcəkdə daha geniş etirazlara səbəb ola biləcəyini xəbərdarlıq edib.
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
Rəy yaz